Անհետ կորած զինծառայողների ծնողները ծեծել են գեներալ Կարեն Առուստամյանին․ ինչու՞ է լռում Օնիկ Գասպարյանը. Տեսանյութ
Politik.am-ը գրում է. Հայաստանի իշխանությունների անգործության արդյունքում Արցախում օրեցոր խորանում է անիշխանությունը։ Նիկոլ Փաշինյանը և Հայաստանի ՊՆ ԳՇ-ն անհետ կորած զինծառայողների ծնողների և հարազատների դժգոհությունից հեռու մնալու համար նրանց ուղղորդել են Արցախի Հանրապետություն, որտեղ ծնողներից ոմանք անում են այն՝ ինչ ցանկանում են։
Արցախի մեր աղբյուրներն ասում են, որ ծնողները հիմնականում բնակվում են Ստեփանակերտի «Արմենիա» հյուրանոցում։ Այս ընթացքում նրանք տարբեր անգամներ իրենց մոտ են կանչել զինվորականների և նրանցից մի քանիսին ծեծել՝ պնդելով, որ ստեղծված իրավիճակի հիմնական մեղավորը հենց իրենք են՝ զինվորականները։
Մեր աղբյուրների փոխանցմամբ, երեկ երեկոյան անհետ կորած զինծառայողների և գերիների ծնողները իրենց մոտ են հրավիրել գեներալ-մայոր Կարեն Առուստամյանին, ով պատերազմի օրերին եղել է հարավ-արևելյան ուղղության Հադրութի հրամանատար։ Հետաքրքիր է, որ այս ամենին անտարբերությամբ է նայում ԳՇ պետ Օնիկ Գասպարյանը։
Ի վերջո, բոլորի համար էլ հասկանալի է, որ ստեղծված իրավիճակի մեղավորը քաղաքական իշխանություններն են և անթույլատրելի է զինվորականների թիրաավորումը։ Ինչու՞ Օնիկ Գասպարյանը ոչինչ չի անում, որպեսզի իրենց ցավի համար մեղավորներ փնտրող ծնողները բռնություն չգործադրեն զինվորականների նկատմամբ, չնսեմացնեն նրանց սպայի պատիվը։ Սա առաջին հերթին հենց ԳՇ պետ Օնիկ Գասպարյանի պատվի հարցն է։ Եթե նա քայլեր չձեռնարկի ու մարդիկ շարունակեն անել այն ինչ ուզում են, ապա բանակը վերջնականապես կբարոյալքվի։
Հետևեք մեզ Facebook-ում