Լավրովի երեկվա հայտարարությունները ցնցել են Ադրբեջանը

ՌԴ ԱԳ նախարար Սերգեյ Լավրովի երեկվա մամուլի ասուլիսի խոսքերը ԼՂ խնդրի կարգավորման վերաբերյալ ցնցել է ադրբեջանցիներին: Մասնավորապես, ադրբեջանական քարոզչամեքենան այսօր փորձում է վիճարկել Լավորովի այն դրույթը, թե ԼՂ կարգավորման հարցն այլևս Ադրբեջանի մենաշնորհը չի կարող լինել, քանզի այստեղ ներգրավված են շատ միջնորդներ:

Փաստորեն, ադրբեջանցիները երեկ հասկացան, որ նրանք ԼՂ հարցում ինքնուրույն լեգիտիմ որոշումներ չեն կարող կայացնել, ավելին՝ ադրբեջանական հասարակությունը տեղեկացավ, որ այս որոշումների տակ կան նաև Ադրբեջանի նախագահի և արտգործնախարարի ստորագրությունները:

Հասկանալի է, որ Բաքուն անարձագանք չէր կարող թողնել Լավորվի այս հայտարարությունը և Մահմեդյարովն անմիջապես համապատասխան հայտարարությամբ հանդես եկավ, սակայն այն կրում էր բացառապես քարոզչական բնույթ, ոչ ավելին:

Ուշագրավ էր նաև այն, որ Լավրովը փաստացի մեղադրեց ադրբեջանցիներին՝ շեշտելով, որ ՄԱԿ-ի հայտնի որոշումների չկատարման մեջ իրենց մեղքի լուման ամենամեծն է:

Անդրադառնալով հանրահայտ միջազգային բլոգեր Լապշինի գործին, ով, լինելով Ռուսաստանի և Իսրայելի քաղաքացի, Ադրբեջանի պահանջով ձերբակալվել է Բելառուսում և Բաքվում պահանջում են նրա արտահանձնումը Ադրբեջան, Լավրովը հայտարարեց, որ միջազգային պրակտիկայում նման արտահանձնումներ չպետք է լինեն, ինչը բնականաբար, մեսիջ էր Բելառուսի իշխանություններին:

Ամփոփելով ադրբեջանցիների արձագանքը՝ կարող ենք նշել, որ Լավրովի երեկվա ասուլիսի արդյունքում Բաքվում իսկական խառնաշփոթ է, քանի որ նրանք չէին սպասում, որ ՌԴ ԱԳ նախարարը այսչափ կոշտ արձագանքներ կտա ադրբեջանցիներին հուզող խնդիրներին:

Հակոբ Կարապետյան