«Մանչեսթեր Յունայթեդը» չի երկարաձգի պայմանագիրը Զլատան Իբրահիմովիչի հետ

«Մանչեսթեր Յունայթեդ» անգլիական ֆուտբոլային ակումբը նոր պայմանագիր չի առաջարկի թիմի 35-ամյա հարձակվող Զլատան Իբրահիմովիչին՝ վերջինիս ստացած վնասվածքի պատճառով, որը երկար ժամանակով շարքից հանել է ֆուտբոլիստին: Այս մասին տեղեկացնում է Mirror-ը։

Զլատանը ծնկի խաչաձև կապանների պատռվածք է ստացել Եվրոպայի լիգայի քառորդ եզրափակչի՝ բելգիական «Անդերլեխտի» հետ պատասխան խաղում: Բուժզննման արդյունքում պարզ է դարձել, որ ընթացիկ մրցաշրջանում նա այլևս խաղադաշտ դուրս չի գա: Հայտնի չէ, թե որքան կտևի ապաքինումը, սակայն ԶԼՄ-ներում տեղեկություն էր շրջանառվում, որ շվեդ ֆուտբոլիստն առնվազն 8 ամիս չի կարողանա խաղալ։

Իբրահիմովիչի պայմանագիրը ՄՅՈւ-ի հետ ուժի մեջ է մինչև մայիսի 30-ը: Խոսվում էր նաև, որ ակումբը պատրաստվում է Իբրագիմովիչին 20 մլն ֆունտ առաջարկել։

Zham.am