90 հազար անօդևան փախստականների առկայությամբ կոռուպցիայի դեմ խոսող Փաշինյանը պատրաստվում է մեծ փողեր ծախսել իր իշխանության վերարտադրության համար

Եվ այսպես, Փաշինյանը և իր թիմակիցները սկսել են լայնորեն վարձակալել տարբեր օբյեկտներ իրենց կուսակցության տեղական կազմակերպությունների համար, ակնհայտորեն պատրաստվելով արտահերթ ընտրութունների:

Նախ սկսենք այն բանից, որ երբ երկրում համատարած սուգ է, ավելի քան 15 հազար ընտանիք սգի մեջ են գտնվում: Մոտ 90 հազար անօդևան փախստական կա Հայաստանում և դրան գումարած կոռոնավարակի գործոնը, անցկացնել արտահերթ խորհրդարանական ընտրությւոններ պարզապես անբարոյականություն է:

Բայց Նիկոլ Փաշինյանի համար դրանք բոլորը մանրուք են, քանզի իր համար առաջնայինը սեփական իշխանության վերարտադրումն է` սեփական կաշին փրկելու ակնկալիքով: Իսկ որպեսզի նա կարողանա վերարտադրվել, պետք է մեծ փողեր ծախսի արտահերթ ընտրություններ անցկացման համար: Կարող ենք կռահել, թե այդ փողերը որտեղից են:

«Փող` տարածքի դիմաց»,  հայտնի գործարքը, ըստ ամենայնի, կայացել է, և որպեսզի այդ գործընթացը շարունակվի հետագայում, այդ փողի մի մասը պետք է տրվի գեբելսյան քարոզչամեքենայի երկրորդ սերիայի համար` փորձելով վերջնականապես ավանակի տեղ դնել հայ ժողովրդին: Պարզ է, որ այս անգամ առանց կեղծիքների հնարավոր չի լինելու, սակայն Փաշինյանը դրան էլ է պատրաստ:

Գալիք տարվա ընթացքում ոստիկանության վրա ծախսերի ավելացումը մոտ 6 անգամ ավելի շատ է, քան բանակի վրա, ինչը հասկանալի է, քանզի Փաշինյանի համար իր մարմնի պաշտպանությունն ավելի կարևոր է, քան երկրի:

Եվ այս ամենից հետո սույն անձնավորությունը խոսում է կոռուպցիայի, թալանի մասին: Գեբելսը գերեզմանում շուռ է գալիս և կնախանձեր, որ այսպիսի տաղանդավոր աշակերտ է ծնվել, այն էլ` Հայաստանում: Եվ այս ամենից հետո  մենք զարմանու՞մ ենք, թե ինչու ենք ունեցել այսպիսի դառը պատմություն: Եվ մենք զարմանու՞մ ենք, թե ինչու է մեր պատմության մեջ դավաճանների քանակն ավելի շատ, քան մեր հարևան ժողովրդների մոտ:

Պատմաբանների անկեղծ չլինելու պատճառով է նաև, որ մենք այս իրավիճակում ենք: Նրանց հայրենասիրական կեղծ պաթոսը թույլ չի տվել, որպեսզի մենք անկեղծ առերեսվեինք մեր պատմության էջերի հետ, քանզիվ եթե մենք ուենայինք իսկապես անկեղծ և առողջ պատմագիտություն, մենք չէինք կարող չունենայինք նաև առողջ մտածող քաղաքական վերնախավ, որի պարագայում էլ քաղաքական դաշտում փաշինյաններ չէին կարող ծնվել ի սկզբանե:

Սա է իրականությունը:

Արտակ Հակոբյան