Մենք Նիկոլի հրաժարականն ենք ուզում, ինքը խորհրդարանն է տանում լուծարման․ Սաղաթելյան

Նիկոլ Փաշինյանի գլխավորությամբ ընտրությունները վտանգավոր են ՀՀ-ի համար։ Ընտրությունները կեղծելու են, որպեսզի չդատվի։ Եռաբլուրում լրագրողների հետ զրույցի ժամանակ այս մասին ասաց ՀՅԴ անդամ Իշխան Սաաթելյանը։

«Եթե իշխանություն չլինի, այս ամեն ինչի համար պատասխան պետք է տա և դատվի։ Մենք ասում ենք՝ դավաճան ես, ինքն ասում է՝ եկեք ես մնամ, թող խորհրդարանական մեծամասնությունը գնա տուն։ Տարօրինակ է չէ՞ այս մարդու պահվածքը։ Մենք իր հրաժարականն ենք ուզում, ինքը խորհրդարանն է տանում լուծարման, որպեսզի այդ ճանապարհով շարունակվի վերարտադրվել»,-ասաց Իշխան Սաղաթելյանը։

Հարցին՝ ի՞նչ են արել նախկին իշխանությունները, որ ժողովուրդը չի ուզում կանգնի 17 ուժերի կողքին, Իշխան Սաղաթելյանն ասաց․ «Գործ ունենք մի ծաղրածուի հետ, որը շարունակ կարողանում է ժողովրդին մոլորեցնել իր պոպուլիզմով, կեղծ հայտարարություններով։ Նախկին իշխանությունները հայրենիք չեն վաճառել, նախկինների պատճառով այսքան զոհ չենք ունեցել, մեր երկիրն այսքան անպաշտպան ու անմխիթար վիճակում չի եղել։ Եղել են բացթողումներ, թերություններ, սխալներ։ Որ թալանից են խոսում անընդհատ, Նիկոլ Փաշինյանից շատ մեր ժողովրդին ոչ մեկ չի թալանել, որովհետև իր գործունեության արյունքում տվել է 10 000 քմ տարածք մեր հայրենիքի մի մասից։

Եկեք համեմատության մեջ դնենք»,-նշեց Իշխան Սաղաթելյանը։

Zham.am