Noon Post. Թուրքական «Բայրաքթարներն» էին, որ փոխեցին ուժերի հարաբերակցությունը հօգուտ Բաքվի, ինչն առաջ անել հնարավոր չէր

Եգիպտական NoonPost թերթը վերլուծել է թուրքական «Բայրաքթար» անօդաչու թռչող սարքերի ազդեցությունն ուժերի աշխարհաքաղաքական դասավորվածության վրա ինչպես Հարավային Կովկասում, այնպես էլ աշխարհում։ 

Թերթը, մասնավորապես, նշում է. «Թուրքական «Բայրաքթար» անօդաչուները ցուցադրեցին իրենց ողջ հմայքը ղարաբաղյան հակամարտության ժամանակ, որը բռնկվել էր Ադրբեջանի և Հայաստանի միջև նախորդ տարվա սեպտեմբերի վերջին։ Դա սովորական պատերազմ չէր երկու գերտերությունների միջև։ Ադրբեջանն օգտագործել է թուրքական անօդաչուներ, իսկ հայկական կողմի ՀՕՊ համակարգերը չկարողացան դիմակայել դրանց։ Բացի այդ, հայկական բանակը չունի իր հաշվեկշռում անօդաչուներ։ Այսպիսով, «Բայրաքթար TB2»-ը փոխեց ուժերի հարաբերակցությունը հօգուտ Բաքվի, ինչն առաջ անել հնարավոր չէր։

Ադրբեջանի նախագահ Իլհամ Ալիևը բազմիցս ընդգծել է, որ թուրքական անօդաչուները մեկ միլիարդ դոլար արժողությամբ հայկական զենք են ոչնչացրել։

Թագավորական միացյալ ինստիտուտի պաշտպանական հետազոտությունների Մայքլ Քլարկը համեմատել է անօդաչուների տնտեսական նպատակահարմարությունը։ Նա նշել է, որ Հայաստանը կորցրել է ռազմական տեխնիկայի 224 միավոր, իսկ Ադրբեջանը նույն տիպի տեխնիկայի 36 միավոր»։ 

Zham.am