Զբոսաշրջության պետական կոմիտեն հորդորում է լուսանկարել զբոսաշրջային գրավչություն հանդիսացող վայրում աղբաշատ հատվածը և ուղարկել դրանք պետկոմիտեին

ՀՀ Զբոսաշրջության պետական կոմիտեն Ֆեյսբուքի իր էջում հետևյալ բովանդակությամբ հայտարարություն է տարածել.

«ԴԱՐՁՆԵՆՔ ՀԱՅԱՍՏԱՆՆ ԱՎԵԼԻ ԳՐԱՎԻՉ ԶԲՈՍԱՇՐՋԻԿՆԵՐԻ ՀԱՄԱՐ
Համաձայն ապրիլի 20-ին ՀՀ կառավարության նիստի ժամանակ «Մաքուր Հայաստան» ծրագրի շրջանակներում ՀՀ վարչապետի հանձնարարականի` ՀՀ տնտեսական զարգացման և ներդրումների նախարարության Զբոսաշրջության պետական կոմիտեն հայտարարում է արշավ, որի նպատակն է ՀՀ քաղաքացուն դարձնել ակտիվ մասնակից «Մաքուր Հայաստան» ծրագրին։
Յուրաքանչյուր քաղաքացի կարող է նկարահանել զբոսաշրջային գրավչություն հանդիսացող վայրում աղբաշատ հատվածը, ուղարկել լուսանկարը զբոսաշրջության պետական կոմիտեի ֆեյսբուքյան էջին՝ նշելով մարզը, քաղաքը, համայնքը և նկարահանման օրը։
Աշխատանքներն առավել արդյունավետ դարձնելու նպատակով կարող եք օգտագործել #CleanArmenia հաշթեգը: Արդյունքները կներկայացվեն առցանց, բաց հարթակում։
Հիշեցնենք, որ միասին մենք կարող ենք Հայաստանի զբոսաշրջային գրավչության վայրերն էլ ավելի գարվիչ դարձնել մեր երկիր այցելած զբոսշրջիկի համար։

Հարգանքով` ՀՀ զբոսաշրջության պետական կոմիտե
#ArmenianStateTourismCommittee #StateTourismCommittee»