Թիմակիցները Փաշինյանին բացատրել են, որ եթե մինչև փետրվարի կես արտահերթ ընտրություն չանի, հայտնվելու են կոտրած տաշտակի առաջ
Mediaport-ին մանրամասներ են հայտնի դարձել Նիկոլ Փաշինյանի և «Իմ քայլը» խմբակցության՝ նեղ կազմով հանդիպումից:
Փաշինյանն ասել է, որ եթե ընդդիմությունը չի համաձայնում իր վաչապետության պայմաններում արտահերթ ընտրություն անցկացնել, ապա ընտրություն առհասարակ չի լինի, ուժայիններով կփորձեն պահել իշխանությունը:
Ընտրություն չանցկացնելու գաղափարին առարկել են Ալեն Սիմոնյանն ու Բաբկեն Թունյանը՝ հիմնավորելով, որ ձմռան ամիսներին սպասվում է սոցիալ-տնտեսական առանց այն էլ ծանր վիճակի էլ ավելի վատթարացում, որոնք գումարվելով եղած հակաիշխանական ալիքին՝ պայթյունավտանգ իրավիճակ կստեղծեն:
Թունյանը պնդել է, որ պետք է ամեն ինչ անել մինչև փետրվարի կես արտահերթ ընտրություն անցկացնելու և իշխանությունը ամրապնդելու համար՝ հակառակ դեպքում կհայտնվեն կոտրված տաշտակի առաջ:
Քննարկումների արդյունքում որոշում չի կայացվել, Փաշինյանը թիմակիցներին հրահանգել է իրական և ֆեյք էջերով ակտիվանալ սոցցանցում՝ իրենց դեմ պայքարողներին որակելով «նախկին թալանչիներ» և ներքաղաքական զարգացումները տեղափոխել «հների և նորերի» պայքարի տիրույթ:
Հետևեք մեզ Facebook-ում