Անթույլատրելի է որեւէ պաշտոնաթող նախագահի վրա տարեկան 20 մլն դոլար ծախսելը․ Արցախի ԱԺ նախագահ. Տեսանյութ

Արցախի ԱԺ նիստում պատգամավորներից մեկն ԱՀ հաշվեքննիչ պալատի անդամի թեկնածու Միքայել Մուսայելյանին Արցախի թոշակառու նախագահներին յուրաքանչյուր տարվա կտրվածքով տրամադրվող գումարի վերաբերյալ հարց ուղղեց, թե արդյոք մտադի՞ր է պաշտոնավարման անցնելուց հետո քննության առնել՝ 20 միլիոն դոլարն ինչի վրա է ծախսվում։

Միքայել Մուսայելյանն էլ պատասխանեց, որ նման հարցերը պետք է իրավականացվեն իրավական դաշտի սահմաններում։

«Պաշտոնաթող եկած թե նախագահների, թե այլ պաշտոնյաների թոշակների հարցը պետք է կարգավորվի այնպիսի մի տեսլականով, որն իրական է մեր պայմանների համար։ Շատ հարցեր կան, որոնք ենթակա են վերամշակման»,- ասաց Մուսայելյանը։

ԱՀ ԱԺ նախագահ Արթուր Թովմասյանն էլ իր հերթին արձագանքեց այդ հարցին. «Եթե 20 միլիոն է, ես հայտարարում եմ եւ պարոն Քոչարյանին, եւ պարոն Ղուկասյանին, եւ պարոն Սահակյանին՝ հետ վերադարձնել։ 20 միլիոն դոլար անհնարին է պաշտոնաթող նախագահի վրա ծախսել»։

«2020 թվականի պետական բյուջեի առաջին եռամսյակի կատարման վերաբերյալ Հաշվեքննիչ պալատի ներկայացված եզրակացությունում, որը նույնպես տրամադրվել է ԱԺ, անդրադարձել ենք այս հարցին, նշել ենք՝ ում է ուղղվում։ Ինչ ձեւով են ներկայացվում, ինչ հիմնավորումներով, մեր եզրակացությունում նշել ենք։ Պետական բյուջեի ցանկացած միջոցներ մենք հաշվեքննության ենք ենթարկում, 2020 թվականին այլ մարմինների ծախսերի պահպանման մեր մադիտարկման ոլորտում են գտնվում»,- նշեց Հաշվեքննիչ պալատի աշխատակազմի առաջին, մեթոդաբանության եւ վերլուծության բաժինների աշխատանքները համակարգող Շուշանիկ Հայրապետյանը։

ԱԺ նախագահն էլ հավելեց, որ 2021 թվականի պետբյուջեով պաշտոնաթող նախագահներին գումար չի տրամադրվելու։