Սամվել Մարտիրոսյան.«Հայաստանում կա քաղաքական գաղափարների դեֆիցիտ» (Տեսանյութ)

Zham.am-ի «Ամբիոն» հաղորդման հյուրն է մեդիափորձագետ Սամվել Մարտիրոսյանը:

Անդրադառնալով Ազգային ժողովի ընտրությունների արդյունքներին՝ Մարտիրոսյանը նշեց¸ որ մեծ սպասելիքներ պետք չէ ունենալ այս խորհրդարանից¸ ինչպես նաև նկատեց¸ որ խորհրդարանական ընտրությունտների արդյունքները ցույց տվեցին¸ որ Հայաստանում այսօր կա քաղաքական գաղափարների դեֆիցիտ¸ ինչն իր հերթին հանգեցրեց նրան¸ որ շատ մարդիկ չտեսնելով քաղաքական դաշտում այլընտրանք¸ գումարի դիմաց վաճառեցին իրենց ձայները:

Սամվել Մարտիրոսյանն անդրադարձավ նաև կրթական համակարգի քաղքականացված լինելու հանգամանքին՝ նշելով¸ որ կրթական համակարգին պետք է ազատականացում¸ հակառակ պարագայում այն¸ մնալով պետական ֆինանսավորման տակ¸ շարունակելու է մնալ որպես վարչական լծակ:

Հաղորդման վերջում Մարտիրոսյանն անդարադրձավ նաև ներիշխանական զարգացումներին՝ նշելով¸ որ մոտակա մեկ տարում հետաքրքիր զարգացումներ են տեղի ունենալու և դա կախված է նրանից¸ թե ՀՀԿ-ի ներսում տեղի ունեցող պայքարում որ ֆրակցիան կհաղթի՝ ՀՀԿ երիտասարդական թևը¸ այսօրվա վարչապետ Կարեն Կարպետյանի թիմը թե  «հին գվարդիան»:

Սամվել Մարտիրոսյանը նշեց նաև¸ որ իր կարծիքով Սերժ Սարգսյանն իրեն տեսնում է դիտորդի կարգավիճակում և նա 2018 թվականից հետո փորձելու է ղեկավարել Հայաստանը Վրաստանի օրինակով¸ այսինքն՝ այնպես ինչպես դա այսօր անումէ Բիձինա Իվանիշվիլին¸ ով քաղաքական առօրյա գործընթցների մեջ ներգրավված չէ¸ բայց բոլոր կարևոր որոշումները հենց նա է ընդունում:

Մանրամասները՝ Zham.am-ի տեսանյութում

Zham.am