«Լուսավոր Հայաստանը» կդիմի ՍԴ

«Լուսավոր Հայաստան» կուսակցությունը մտադիր է դիմել Սահմանադրական դատարան՝ Վանաձորի ավագանու արտահերթ նիստեր հրավիրելու կապակցությամբ։ Դեռեւս քննարկում են, թե ինչպես կարելի է հայցը ձեւակերպել, իրավաբանների հետ են խորհրդակցում։ Վանաձորի ավագանին արդեն երկու արտահերթ նիստ է հրավիրել, 33 անդամից ներկա է եղել ընդամենը 15-ը՝ ՀՀԿ-ի եւ ՀՅԴ-ի ներկայացուցիչները։ Մամիկոն Ասլանյանը թեպետ վստահեցնում է, որ իրենք ամեն ինչ անում են օրենքի շրջանակներում, համաձայն որի կարող են 9 հոգով էլ նիստ անել, սակայն ընդդիմությունը հակադարձում է, որ կարող են նիստ հրավիրել միայն 17 հոգու մասնակցության պարագայում: Հետո կարող են այդ 17 հոգուց 9 հոգու քվեարկության պարագայում որոշում կայացնել, բայց 9 հոգով նիստ չեն կարող սկսել: