Հասկանո՞ւմ եք՝ այս մարդկանց մեկ է այս երկիրը… Կառավարությունը վարկյան շուտ պետք է հեռանա. Գորիսի քաղաքապետ. Տեսանյութ
Այսօր ՔԿ-ի մոտ Գորիսի քաղաքապետ Առուշ Առուշանյանը, ով երեկ ազատ արձակվեց երկու օր ձերբակալված լինելուց հետո, լրագրողների հետ զրույցում հայտնեց, որ պատերազմի ժամանակն ինքն ու պարոն Փարամազյանը նույն օրն են մեկնել Ջաբրայիլ՝ հոկտեմբերի 1-ին. «Մոտ 250 հոգի էինք, հետո ավելացանք: Ուզում եմ մի փաստ ասել, որի մասին կարող եք տեղեկանալ նաև ՊՆ-ից, մենք վերջին մարդիկ ենք եղել կորպուսի հետ, որ մինչև վերջին կետը կռվել ենք Ջաբրայիլում: Հետո հետ ենք եկել ու նոր դիրքերում շարունակել մարտերը:
Մեր ժողովուրդը թասիբով կանգնել ու կռվել է: Մենք կարողացել ենք պահել բավականին մեծ տարածքներ, իսկ վարչապետի պաշտոնը զբաղեցնող անձնավորոթյունը տվեց այդ հողերը: Բայց պայմանագրում ասված էր, որ զորքերը պետք է կանգնեն այն հատվածում, որտեղ կանգնած էին»:
«Հիմա մեր խնդիրը մեր քաղաքացիների անվտանգությունն ապահովելն է: Մի քանի մետրի վրա թուրքերն են, երեխաներին ինչպես թողնենք, որ դպրոց գնան:
Երևանում իրականությունն այլ է, եկեք տեսեք, թե մեզ մոտ ինչ է կատարվում: Այս մարդկանց չի հետաքրքրում դա։ Վաղն էլ կարող ա պարզվի, որ բանավոր խոսքերով Գորիսը տվեց, գյուղ տվեց, կամ երեկոյան բարձր տրամադրություն ունենա ու մեր պետության մի մասը նվեր տա ինչ-որ մարդկանց»,-ասաց նա:
Հետևեք մեզ Facebook-ում