Դուք տեղյակ չեք, թե ձեր մասին ինչեր են խոսում, ես անհարմար եմ զգում. Ավագանու անդամը՝ Հայկ Մարությանին
Այս երկու տարվա ընթացքում շատ եք ուզում ընդդիմությանը խանգարեք, ոչ մի բառ պակաս չթողեք, մինչեւ վերջ ասեք: Այս մասին, այսօր դեկտեմբերի 22-ին, Երեւանի ավագանու նիստում նշեց ԲՀԿ խմբակցության անդամ Արմեն Ներսիսյանը:
«Դուք երբ հանրությանը ծանոթ էիք որպես արտիստ, բոլորը քեզ շատ էին սիրում, բայց հիմա դուք տեղյակ չեք, թե ձեր մասին ինչեր են խոսում: Ես անհարմար եմ զգում, թե ձեր հասցեին ինչեր են ասում: Ես պաշտպնում եմ ձեզ, ասում եմ՝ անհարմար է, այդպիսի բաներ մի ասեք, բայց դուրս եկեք փողոց ու լսեք թե ինչ են խոսում: Պաշտպանեք ձեր նախկին կարիերան»,-ասաց նա:
ԲՀԿ-ական գործիչը կոչ արեց միանալ վարչապետի հրաժարականը պահանջողներին. «Դուք վաղը չեք կարողանալու պատասխան տաք ձեր երեխաներին, թոռներին, թե ինչու է 5 հազար մարդ զոհվել, թե ինչու ՀՀ-ում այս պահին այս վիճակն է: Ձեր մեջ կան շատ հայրենասեր մարդիկ, միացեք մեր կոչին, դուրս եկեք հանրահավաքի, որ վաղը ձեր երեխաներին ասելու բան ունենք: Ձեզ վաղը ձեր երեխաները հարցախեղդ են անելու: Ախր դուք էլ եք հասկանում, թե ինչ է արել Նիկոլ Փաշինյանը: Ես ողջունում եմ ավագանու այն անդամներին, որոնք իրենց մանդատը վայր են դրել: Ես իրանց ցավը տանեմ, հալալ լինի էդ տղերքին: Հասկացել են իրավիճակը: Ես բոյկոտում եմ այս նիստը»,-հայտարարեց Արմեն Ներսիսյանը:
Քաղաքապետ Հայկ Մարությանը արձգանքեց, որ ինքն ամեն օր դուրս է գալիս փողոց, քայլում է փողոցում, շփվում է ժողովրդի հետ. «Այո, հաճախ նաեւ ինչ-որ բաներ են ասում: Ձեր մասին էլ են ասում, ես էլ եմ ձեզ պաշտպանում: Բայց դե հիմա ինչ արած: Ցավոք, նաեւ այդպես էլ է լինում»:
Հետևեք մեզ Facebook-ում