Թուրքիան սպառնացել է պատասխանել ԱՄՆ-ի պատժամիջոցներին

Թուրքիայի ԱԳՆ-ն հանդես է եկել Անկարայի կողմից ռուսական C-400-ների գնման կապակցությամբ ԱՄՆ-ի պատժամիջոցների սահմանման դատապարտմամբ և հայտարարել է պատասխան քայլերի մասին: Ավելի վաղ ԱՄՆ-ն պատժամիջոցներ էր սահմանել Թուրքիայի պաշտպանական արդյունաբերության քարտուղարության և նրա ղեկավար Իսմայիլ Դեմիրի, ինչպես նաև ևս երեք պաշտոնյաների դեմ ՝ Անկարայի կողմից ռուսական Ս-400 զենիթահրթիռային համակարգեր գնելու համար: «Մենք դատապարտում և մերժում ենք ԱՄՆ-ի որոշումը, որն այսօր հայտարարվել է C-400 ՀՕՊ համակարգերի մատակարարման կապակցությամբ, որը ներառում է մեր երկրի դեմ միակողմանի պատժամիջոցներ:

Թուրքիան անհրաժեշտ քայլեր կձեռնարկի այդ որոշման դեմ, որն անխուսափելիորեն բացասաբար կազդի մեր հարաբերությունների վրա։ Թուրքիան նույնպես ձեռնպահ չի մնա միջոցներ ձեռնարկելուց, որոնք նա անհրաժեշտ է համարում իր ազգային անվտանգության ապահովման համար», – ասվում է Թուրքիայի ԱԳՆ հայտարարության մեջ ։

Հավելենք, որ Reuters գործակալությունը հաղորդում է, որ Թուրքիայի նախագահ Ռեջեփ Թայիփ Էրդողանը հայտարարել է, որ ՆԱՏՕ-ի իր գործընկերոջից ակնկալում է աջակցություն, ոչ թե պատժամիջոցներ։ Էրդողանը նշել է, որ ո՛չ ԱՄՆ-ի, ո՛չ Եվրոպական Միության պատժամիջոցները հետ չեն պահի Թուրքիային իր իրավունքները պաշտպանելուց։