«Էրեբունի» օդանավակայանում վայրէջք կատարեց 44 հայ գերիներին տեղափոխող օդանավը.Լուսանկար

«Էրեբունի» օդանավակայանում քիչ առաջ վայրէջք է կատարել 44 հայ գերիներին տեղափոխող ռուսական օդանավը:

Հայ գերիներին դիմավորում են Արցախի Հանրապետության նախագահ Արայիկ Հարությունյանը եւ ՀՀ փոխվարչապետ Տիգրան Ավինյանը։

Հայ ռազմագերիների փոխանակումն իրականացրել է ՌԴ նախագահ Վլադիմիր Պուտինի հանձնարարությամբ` անձամբ ՌԴ խաղաղապահ զորքերի հրամանատար, գեներալ-լեյտենանտ Ռուստամ Մուրադովը։

Նշենք նաեւ, որ դեկտեմբերի 14-ին Հայաստանի և Ադրբեջանի միջև մեկնարկած գերիների և պատանդների փոխադարձ փոխանակման գործընթացի շրջանակում Բաքվին է հանձնվել 9 ադրբեջանցի, Ադրբեջանի գերեվարվածների, անհետ կորածների և պատանդների հարցերով պետական հանձնաժողովին հղումով։

Ադրբեջանական կողմի փոխանցվածների թվում են Արցախում սպանության համար դատապարտված ադրբեջանցիներ Դիլհամ Ասկերովը և Շահբազ Գուլիևը, որոնք 2014 թվականից բանտարկված էին Արցախում՝ լրտեսության, պետական սահմանի ապօրինի հատման, ռազմամթերք կրելու, անձի առևանգման և սպանության համար։

ԼՂՀ ընդհանուր իրավասության առաջին ատյանի դատարանի կողմից դատապարտվել էին համապատասխանաբար ցմահ և 22 տարվա ազատազրկման:

Լուսանկարը եւ տեսանյութը՝ armeniasputnik.am–ի

Zham.am