Նաիրա Զոհրաբյան. «Թուրքն այսօր բարձրախոսով Խնձորեսկի բնակիչներին ասել է՝ հետ եք քաշվում». Տեսանյութ

Քիչ առաջ խոսում էի Խնձորեսկի համայնքապետի հետ. մեկ շաբաթ առաջ թուրքը Խնձորեսկից ընդամենը 6 կմ-ի վրա էր: Այս մասին այսօր՝ դեկտեմբերի 12-ին, ընդդիմության կազմակերպած «անհնազանդության երթի» ժամանակ հայտարարեց ԲՀԿ խմբակցության պատգամավոր Նաիրա Զոհրաբյանը:

«Համայնքապետն ասում է՝ թուրքն այսօր բարձրախոսով Խնձորեսկի բնակիչներին ասել է՝ հետ եք քաշվում: Նիկոլը թուրքին բերեց ու մտցրեց մեր տունը: Համայնքի բնակիչներն են փորձում պահել սահմանը: Հիմա GPS-ով սահման են գծում: Այդ սահմանը ամեն օր նվաճում է հայաստանի տարածքային ամբողջականությունը: Քանի դեռ այս մարդը մնում է կառչած աթոռին, ամեն օր ունենալու ենք GPS-ով կորսված հայրենիք: Նիկոլ, հեռացիր, որ Հայաստանը ապրի»,-ասաց նա:

Նաիրա Զոհրաբյանը հավելեց, որ Նիկոլ Փաշինյանը համառորեն հրչաժարվում է օգտվել այն հումանիտար միջանցքից, որը նրան առաջարկում է ժողովուրդը. «Վաղը այդ միջանցքը եւս չի լինելու Նիկոլ Փաշինյանի համար»:

Մանրամասները՝ տեսանյութում:

Zham.am