Բոլոր այն համայնքապետերը, որոնք պահանջել են Նիկոլ Փաշինյանի հրաժարականը, հրավիրել են ԱԱԾ. Զոհրաբյան

«Բոլոր այն համայնքապետերը, որոնք պահանջել են Նիկոլ Փաշինյանի հրաժարականը, հրավիրել են ԱԱԾ»,- այս մասին «Հանուն Հայրենիքի փրկության» շարժման քայլերթի ժամանակ ասաց ԱԺ ԲՀԿ պատգամավոր Նաիրա Զոհրաբյանը։

«Հող հանձնածը փորձում է ռեպրեսիաներով պահել իշխանությունը, հոգեվարքի մեջ գտնվող հող հանձնածը փորձում է թաքնվելով ուժային կառույցների հետևում, պահել իր փոքրիկ իշխանությունը։ Փաշինյանը հրաժարվում է հասկանալ, որ ինքը ՀՀ-ում այլևս իշխանություն չունի»,- ասաց Զոհրաբյանը և հավելեց՝ արտահերթ խորհրդարանական ընտրություն պետք է լինի միայն Փաշինյանի հրաժարակից հետո։

«Նիկոլ Փաշինյանը հեռանալու է, չի կարող նա համաշխարհային պատմության մեջ լինել այն եզակի կերպարը, այն եզակի գործիչը, որը ստորագրել է կապիւտուլյացիոն համաձայնագիրը ու հանձնելով Արցախը՝ մնա իշխանության։

Տարբեր մանիպուլյացիաներով փորձում է պահել իշխանությունը, նա ՀՀ-ում այլևս իշխանություն չունի, բողոքի ակցիաները չեն դադարելու, նա պիտի հասկանա, որ իրեն տրված է մարդասիրական միջանցք, ինչքան համառում է և չի օգտվում դրանից, այնքան ժամանակը աշխատելու է ի դեմ իրեն։ Նա պիտի հասկանա, որ իր նման մեկ գործիչ է եղել՝ Սադամ Հուսեյնը, բայց տեսանք նրա հետ ինչ եղավ»,-ասաց Զոհրաբյանը։

Աղբյուր` Փաստինֆո