«Ես Մոսկվայում եմ եղել, գալիս ասում են՝ դավաճան ես, Սիսակն իրենց տանն է եղել, գալիս ասում են՝ դավաճան: 30 տարի լռել ենք, ընտրակաշառքների վրա աչք ենք փակել, բանակից տուշոնկա ենք գողացել, իսկ մեր թշնամին թեկուզ նավթադոլարներով պատրաստվել է պատերազմի, եւ հիմա տպավորություն է, որ այդ ամենը պետք է մեկ մարդու վրա լինի եւ այդ մեկ մարդը ասում է, որ մեր բոլորի մեղքը վերցնում է իր վրա եւ տանում դժոխք»,-ասաց Ալեն Սիմոնյանը:
Նա նշեց, որ չի բացառել եւ անգամ ասել է, որ ճիշտ է, որ իշխանությունը գնա նոր ընտրությունների ճանապարհով. «Բայց գնալ մարդկանց տան վրա, սպառնալ, անձնական հեռախոսահամարներ տալ, ընտանիքի անդամներին սպառնալ, վերջնագրեր ներկայացնել... նույնիսկ այդ պարագայում, եթե ստացվի, չնայած չի ստացվելու հաջողության հասնել, շարունակությունը շատ ավելի ողբերգական է լինելու, քան իրականությունը: Դրա համար բոլորս պետք է հասկանանք, որ պետք է մի պահ մի կողմ դնենք այն ատելությունը, որը մեկս մյուսին ենք վերագրում, եւ հասկանանք, որ պետք է նստենք ու որոշենք, թե որոնք են մեր հետագա անելիքները, որպեսզի ավելի շատ խնդիրներ չունենանք: Իսկ այն, ինչ հիմա տեղի է ունենում, մեր խնդիրները շատ ավելի խորացնում է»,-ընդգծեց ԱԺ փոխխոսնակը:
Հետևեք մեզ Facebook-ում