«Նոյեմբերի 10-ից ի վեր դուրս է բերվել 846 զոհվածի մարմին». Տիգրան Ավինյան
ՀՀ փոխվարչապետ Տիգրան Ավինյանն այսօր ԱԺ-ում հայտնեց, որ որոշակի զարգացումներ կան գերիների և անհետ կորածների հարցում:
«Հայկական և ադրբեջանական կողմերն արդեն իրենց ցանկերն են ներկայացրել: Այս փուլում տեղի է ունենում այդ ցանկերի ճշտման գործընթացը և վերջնական ցանկերը հաստատելուց հետո տեղի կունենա փոխանակումը»,- ասաց Ավինյանը՝ հավելելով, որ ներկայիս դրությամբ երկու կողմն էլ համաձայն է գերիներին փոխանակել «բոլորին բոլորի դիմաց» սկզբունքով:
«Որոնողական աշխատանքների, մարմինների դուրսբերման աշխատանքների մեծ մասն արդեն արվել է: Նոյեմբերի 10-ից ի վեր դուրս է բերվել զոհվածի 846 մարմին և այս պահի դրությամբ էլ այդ աշխատանքները շարունակվում են: Անճանաչելի մարմիններից 294 մարմնի նույնականացում ենք ունեցել, 154 մարմնի հետազոտություններն արված են և համընկնումներ հարազատների ԴՆԹ-ի հետ դեռ տեղի չեն ունեցել, 443 նմուշ էլ դեռ հետազոտման փուլում է»,- ասաց փոխվարչապետը:
Հետևեք մեզ Facebook-ում