Ունենք սահմանային հատվածում մեծ թվով վերադիրքավորումներ, առկա մարտահրավերները մեզ ստիպում են արագ վերակազմավորել և պատրաստվել դիմակայության. Տիգրան Աբրահամյան
Ակցիաներն իրազեկման բնույթ ունեն, քանի որ մեր հանրության մի հատված չգիտեն, թե ի՞նչ ենք կորցրել Արցախում՝ տարածքային և զոհերի առումով և այն նոր սպառնալիքները, որոնք ստեղծվել են Սյունիքում, Վայոց Ձորում, Գեղարքունիքի մարզում և ցավոք չկա իշխանություն, որ կարող է բանակցել և ստեղծված իրավիճակում և երկրորդը՝ պետք է հասկանալ, որ երկրում ստեղծվել է նոր իրադրություն և իշխանությունը չունի լեգիտիմություն և հանրության վստահութունը էականորեն նվազել է. Tert.am-ի հետ զրույցում նշեց Արցախի նախագահի անվտանգության հարցերով նախկին խորհրդական Տիգրան Աբրահամյանը:
Հարցին՝ թե ի՞նչ կարող են անել նոր լիդերները, եթե հայտարարագիրը ստորագրված է և տարածքները հանձնված են, Աբրահամյանը նշեց, որ ստորագրված հայտարարությունը ունի մեծ թվով անորոշություններ և առկա չեն օգտագործման մեխանիզմները.
«Կան մեծ թվով դրույթներ, որոնք չեն իրականացվել հատկապես ռազմագերիների և զոհվածների մարմինների վերադարձի հետ կապված: Մեզ պետք են բանակցողներ, որ կարող են ազդեցություն ունենալ ընդհանուր գործընթացի վրա: Արցախի կարգավիճակը և անվտանգությունը, որը այսօր սպառնում է, Արցախին և Հայաստանինանվտանգությունը որևէ ձևով կարգավորված չէ, մենք ունենք մեծ թվով վերադիրքավորումներ սահմանային հատվածում, որոնք արագ հրատապ լուծումներ են պահանջում և մարտահրավերները մեզ ստիպում են արագ վերակազմավորել մեր զինված ուժերը պատերազմական գործողություններից հետո, և պատրաստվել դիմակայության»:
Լրագրողը հետաքրքրվեց՝Դուք հաճախ եք նշում գրառումներում, որ Օնիկ Գասպարյանը, Դավիթ Տոնոյանը և մյուս բարձրաստիճան զինվորականները պետք է խոսեն, ինչո՞ւ մինչև այսօր չեն խոսում, Տիգրան Աբրահամյանը հույս հայտնեց, որ որևէ փուլում կխոսեն, քանի որ դա միայն իրենց անձնական պաշտպանության խնդիրը չէ, նրանք հանրությանը իրականությանը ներկայացնելու խնդիր ունեն:
«Այս պահին բանակաշինության հարցում հսկայական անելիքներ ունենք, իսկ ներկայիս Պն նախարարը չի խոսում և պարզ չէ՝ ինչ խնդիր է դրված և ի՞նչ է կատարվում, որովհետև դրանից է կախված մեր բոլորի անվտանգությունը և որոշակի անվտանգային խնդիրներ հաշվի առնելով՝ հնարավոր չէ բոլոր փակագծերը բացել, պետք է ներկայացնել ի՞նչ խնդիրներ են լուծվելու»,- նշեց նա:
Հետևեք մեզ Facebook-ում