Eurasia.Expert. Վազգեն Մանուկյանի համար իշխանության դռները կբացվեն ինչպես «դրսից», այնպես էլ «ներսից»

Ռուսական մամուլը շարունակում է լուսաբանել Հայաստանում տեղի ունեցող իրադարձությունները: Մոսկովյան Eurasia.Expert վերլուծական կայքը անդրադարձել է բողոքներ ակցիաներիի թեմային և Վազգեն Մանուկյանի ՝ որպես ընդդիմության միասնական թեկնածու առաջադրման հարցին:

Կայքը տպագրել է «Պոլիտէկոնոմիա» հետազոտական ինստիտուտի  քաղաքագետ Բենիամին Մաթեւոսյանի հոդվածը այս թեմայով:

Մաթեւոսյանը մասնավորապես գրում է.

Անկախ Հայաստանի պատմությունը, սկսած 1991 թվականից, տեսել է իշխանության գալու տարբեր տեսակներ, կամ, այլ կերպ ասած, այդ «մութքը դեպի իշխանություն» իրականացվել է տարբեր «դռներից»:

1998 թ.-ին իշխանության փոփոխությունը և երկրի առաջին նախագահ Լեւոն Տեր-Պետրոսյանի հրաժարականը իրականացվեց մի խումբ մարդկանց կողմից, որոնք արդեն գտնվում էին իշխանության մեջ ՝ վարչապետ Ռոբերտ Քոչարյան, Պաշտպանության նախարար Վազգեն Սարգսյան, ՆԳ նախարար Սերժ Սարգսյան և Արցախի Պաշտպանության բանակի ղեկավար Սամվել Բաբայան: «Դուռը» բացվեց ներսից:

2018-ին իշխանափոխությունն իրականացվեց փողոցից՝  ամբոխի ճնշման ներքո, և երկրի ղեկին եկավ մի անձնավորություն, որը նախկինում չէր եղել այն ժամանակ իշխող վերնախավի կազմում, պետության կառավարման գործընթացում ներգրավված մարդկանց մեջ նա չէր եղել: Այլ կերպ ասած, իշխանության «դուռը» բացվեց դրսից:

Շատ մոտ ապագայում սպասվող իրադարձությունները (համենայն դեպս, այն սցենարը, որը կփորձի իրականացնել ընդդիմությունը) փորձ կլինի սինթեզելու վերոհիշյալ երկու տիպի իշխանափոխությունները:

Ի՞նչ է սա նշանակում գործնականում:

Այս օրերին Փաշինյանի մոտ «իշխանության բուրգը» փլուզվում է. պատգամավորները հեռանում են իշխող խմբակցությունից, մարզպետները, նախարարները, բարձրաստիճան պաշտոնյաների խորհրդականները, իսկ ԱԱԾ- ի սպաները ներկայացնում են իրենց հրաժարականների դիմումնետը: Պետական ​​ապարատից եկող ազդակները ցույց են տալիս, որ շատ մասնագետներ պատրաստ են աշխատել նոր կառավարության հետ, և ներկայիս ընդդիմությունն ունի բավականաչափ քաղաքական հասունություն, որպեսզի չմերժի այդ մասնագետներին, այլ փորձի օգտագործել նրանց ներուժը ինչպես իշխանափոխության  գործընթացում, այնպես էլ ժամականավոր կառավարման ժամանակահատվածում ՝ ժամանակավոր վարչապետի թիմի իշխանության գալուց հետո:

Սա ներսից իշխանության «դուռ» է բացում: Դրսում այս «դուռը» կբացվի բողոքի ակցիաներով:

Zham.am