Վարչապետի գրառումը ևս մեկ ապացույց էր, որ այսօր դատախազությունը Նիկոլ Փաշինյանի խամաճիկն է. Հայկ Ալումյան. Տեսանյութ
Նիկոլ Փաշինյանի հերթական հայտարարությունը մեզ համար նորություն չէր, սա ևս մեկ ապացույց էր, որ այստեղ առկա է քաղաքական հետապնդում, այսօր դատարանի բակում լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանի փաստաբանական խմբի անդամ Հայկ Ալումյանը։
«Փաշինյանի գրառումը ևս մեկ ապացույց էր, որ այսօր դատախազությունը Նիկոլ Փաշինյանի խամաճիկն է, և այս գործով ուղղակի հնազանդ կերպով կատարում է Նիկոլ Փաշինյանի քմահաճույքները», - ասաց Ալումյանը:
Հարցին, թե Փաշինյանի գրառումը կարող է հիմք հանդիսանալ, որպեսզի պաշտպանները դատախազներին բացարկ հայտնեն, Հայկ Ալումյանը պատասխանեց.
«Մենք դեռ այդ հարցը չենք քննարկել։ Իհարկե, դատախազները բացարկման ենթակա են, ուղղակի հաշվի առնելով, որ այս ամեն ինչը կատարվում գլխավոր դատախազի գիտությամբ և ուղղակի ցուցումներով, մի քիչ դժվար է պատկերացնել, թե այս երկու դատախազի փոփոխությունից ինչ կարող է փոխվել։ Ես այն կարծիքին եմ, որ դա պարզապես անօգուտ բան է», - ասաց Ալումյանը:
Մանրամասները՝ տեսանյութում:
Zham.am
Հետևեք մեզ Facebook-ում