Փաշինյանը պիտի հիշի հին ռուսական ասացվածքը. «Жадность фраера сгубила»

Փաշինյանի հարցազրույցը ռուսական ՏԱՍՍ գործակալությանը հետաքրքրական էր նրանով, որ այն հարցին, թե ինչպես է նա տեսնում Արցախի հետագա կարգավիճակի հարցը փաստացի խուսափեց պատասխանից` նշելով, որ «...Հայաստանի դիրքորոշումը չի փոխվել և բացի այդ բանակցությունները պիտի շարունակվեն նախկին ֆորմատով...»: Փաշինյանի խուսափումը խոսել բանակցային գործընթացի բովանդակային խնդիրների մասին հասկանալի է: Նա արդեն հասկանում է, որ այլևս չի կարող շարունակել բանակցել Ադրբեջանի հետ նոյեմբերի 9-ի կնքած խայտառակ համաձայնագրից հետո: Ավելին` նա արդեն լեգիտիմ բանակցող չէ նույնիսկ դրսի խաղացողների համար: Թերևս միայն Ադրբեջանի և Թուրքիայի համար նա կարող է ընկալվել որպես «հարմար» բանակցող:

Վերը նշված հարցազրույցից երևում է, որ ինքը՝ Փաշինյանը դեռ հույս ունի մնալու մի ինչ- որ ժամանակ, որպեսզի կարողանա իր վերահսկողության տակ պահել հետագա գործընթացները: Սակայն Մոսկվան նրան տվել է կարճ ժամկետ, կրքերը հանգստացնելու համար, որից հետո Փաշինյանի քայլերից է կախված լինելու, թե ինչ աստիճանի անվտանգ նա կարող է հեռանալ իշխանությունից:

Այսօր իրեն պետք է հետաքրքրի մեկ հարց, որ  կկարողանա ձևավորել «հումանիտար միջանցք» իշխանությունից հեռանալուց համար: Եթե դրանից բացի Փաշինյանը փորձի լուծել նաև այլ հարցեր, ապա իր համար «իշխանության տրանզիտը» կարող է ավարտվել ողբերգական ձևով:

Այստեղ է, որ Փաշինյանը պետք է հիշի հին ռուսական ասացվածքը. «Жадность фраера сгубила»:

Դավիթ Մկրտչյան