Կառավարության շենքի դիմաց՝ վարչապետ Նիկոլ Փաշինյանի հրաժարականի պահանջով՝ անժամկետ հացադուլ է հայտարարել նաեւ ՀՅԴ անդամ Գարիկ Ավետիսյանը։ Նման ծայրահեղ քայլի է դիմել, որպեսզի հանրության լայն շրջանակներին ցույց տա, որ մարդկային կյանքը իշխանությունների համար որեւէ արժեք չունի, եւ նրանք կառչած են իրենց աթոռից։
«Սա նախկինների կռիվ չէ»,- հայտարարում է ՀՅԴ-ականը, ու հիշեցնում, որ 2018թ.-ին տեղի ունեցավ աթոռակռիվ, շատերը մտան իշխող «Քաղաքացիական պայմանագիր» կուսակցություն, որպեսզի պաշտոններ ստանան։
«Հիմա որ նոր իշխանություն գա ի՞նչն է վայելելու, իրենց նման պարգեւավճարներ է ստանալո՞ւ, թե էդ հոգսերի ու բեռի տակ են մտնելու, ի՞նչ աթոռակռվի մասին է խոսքը»,- նկատում է նա։
Zham.am
Հետևեք մեզ Facebook-ում