Այո, կա մարդ, որը կարող է ստանձնել ՀՀ վարչապետի պաշտոնը․ Արա Վարդանյան
«Հայաստան» համահայկական հիմնադրամի նախկին տնօրեն Արա Վարդանյանը կարծում է, որ կա մարդ, որը կարող է ստանձնել ՀՀ վարչապետի պաշտոնը։
«Ինձ համար մեկ է Հայաստանի հաջորդ ղեկավարը կլինի ներկա, ապագա, թե նախկին անձ, ինձ պետք է, որ այդ մարդը լինի կարող երկիրը այս վիճակից դուրս հանելու համար։ Ցանկացած անձ, որը կվերցնի իշխանությունը երևի իր արձանը պետք է կանգնեցնել։ Այսօր ՀՀ-ն թե տնտեսական, թե ներդրողների հետ ստեղծված իրավիճակով ամենանողկալի վիճակում է, մեր տնտեսությունը փլուզված է։ Այո՛, կարծում եմ կա մարդ թե՛ Հայաստանում, թե՛ դրսում, որը կարող է փոփոխություններ մտցնել այս ամենի մեջ։ Մենք պետք է խնդրենք, որ այդ մարդիկ գան և փորձեն օգնել մեզ։ Փաշինյանը վարչապետի պաշտոնի վարկանիշը իջեցրել է գետնին, դրա համար շատ շատերը ասում են, որ իրենք կարող են լինել վարչապետ։ Բայց ուզում եմ ասել՝ հարգելի երիտասարդներ, դուք վարչապետ չեք կարող լինել, եթե Նիկոլ Փաշինյանը եղել է դա չի նշանակում, որ նույն սխալը պետք է երկրորդ անգամ կրկնենք»,- ասաց Վարդանյանը։
Նրա խոսքով՝ վարչապետը պետք է շատ լուրջ ճանապարհ անցած, լուրջ գիտելիքների տեր և նմանատիպ աշխատանքների փորձ ունեցող անձ լինի։
Zham.am
Հետևեք մեզ Facebook-ում