ԳՇ պետն ասում է՝ վիճակը լուրջ է, Փաշինյանը «լայվ» է անում ու զանգում առաջնագծի սպաներին, հումոր անում. Գեղամ Մանուկյան

Առաջին հերթին մեր երկրի վարչապետը պետք է վերջին 2 ամիսներին իր վարքով ցույց տար, որ երկրում ռազմական դրություն է, որ մեր երկրում պատերազմ է, կա ռազմական կարգապահություն, կա պատերազմական օրենք, խստապահանջություն, ամեն մեկն իր վր դա պետք է ընդունի ու այդպես ապրի: Այս մասին, այսօր՝ նոյեմբերի 18-ին, Ազատության հրապարակում Նիկոլ Փաշինյանի հրաժարականի պահանջով հանրահավաքի ժամանակ նշեց ՀՅԴ անդամ Գեղամ Մանուկյանը:

«Հիմա հարգելի ոստիկաններ, որ դիմում ենք մեր քաղաքացիներին ու ասում, որ ռազմական դրության օրենքով հավաքներն արգելվում են, մեկն անդրադառնո՞ւմ է, թե ինչ էր անում վարչապետ ՆԻկոլ փաշինյանը այդ ռազմական դրության պայմաններում անցնող 2 ամիսների շատ օրերի:

Երեկ ԳՇ պետ, գեներալ-գնդապետ Օնիկ Գասպարյանը պաշտոնապես նշեց, որ պտերազմի մեկնարկից 54 օր հետո ԱԽ նիստում տեղեկացրել է բարձրագույն ղեկավարությանը, որ վիճակը լուրջ է, ունեցած ռեսուրսները սահմանափակ են եւ պետք է քայլեր ձեռնարկվեն պատերազմը կանգնեցնելու համար: Ամեն մեկդ մի պահ պատկերացրեք, հոկտեմբերի 2-ին, եթե դուք եք բարձրագույն ղեկավարությունը եւ բանակի ղեկավարն ասում է՝ լուրջ է վիճակը, ի՞նչ պետք է անեիք: Բնականաբար պետք է լծվեիք աշխտանքի: Իսկ ինչ է անում ՀՀ վարչապետը, հոկտեմբերի 8-ին հրապարակում է տեսանյութ, որտեղ զանգում է առաջնակետեր եւ զինվորների ու սպաների հետ կատակում է: Ռազմական գաղնիքներ է հարցնում, սպաները չեն պատասխանում, ինքն էլ ուրախանում է, որ գաղտնիք չեն բացահայտում: Սա է Նիկոլ Փաշինյանի լրջությունը այդ լրջագույն պահին: Նա օրերով անհետանում էր, որեւէ մեկը չգիտեր՝ ուր է: Մինչեւ հիմա էլ չգիտեն ուր է:

Դրա հմար է, որ անցնող մի քանի օրերին մենք ասում ենք՝ Նիկոլը պետա ք հեռանա, որովհետեւ նման անլուրջ ղեկավարումով մենք չենք կարող  վիճակ փոխել: Մեր երկիրը չի կարող մեջքն ուղղել»,-հայտարարեց Գեղամ Մանուկյանը:

Նրա խոսքով, որքան էլ Նիկոլ Փաշինյանը աթոռին մնալու համար դիմի սադրանքների, դա նրան չի օգնի: Մանուկյանը հիշեցրեց, որ պաշտոնյաները, իշխող ուժի պատգամավորները հայտարարուն են տարածել, թե բա սահմանից նոր եկած զինծառայողներն ուզում են ի պաշտպանություն ղեկավարության հանրահավաք անել, իրենք էլ կոչ են անում հավաքներ չանել, սադրանքների չգնալ: Մանուկյանը կոչ արեց չտրվել որեւէ սադրանքի. «Ցանկացած սադրանքի դեպքում դիմել ոստիկաններին: Մենք սադրանքի ենթարկվողը չենք, մեր պահանջն մուր է, ուժեղ է, մենք հասնելու ենք մեր պահանջի իրականացմանը, քանի որ մեր պահանջը աթոռի համար չէ, հանուն Հայաստանի, հանուն Արցախի է»:

Բազմությունն սկսեց վանկարկել «Նիկոլ հեռացիր»: