Դուք եք բերել նրան, եւ դուք էլ կարող եք նրան հեռացնել․ Արա Հակոբյանը՝ հավաքի մասնակիցներին
Մենք կարեղ ենք համախմվել եւ լուծել այն հարցերը, որի առջեւ կանգնած ենք, բայց դրա համար մեզ առաջին հերթին պետք է հայության ներուժի համախմբումը։ Այս մասին այսօր՝ նոյեմբերի 18-ին Ազատության հրապարակում հանրահավաքի ժամանակ հայտարարեց «Ազգային օրակարգ» կուսակցության խորհրդի նախագահ Արա Հակոբյանը
«Ի՞նչ արգելքներ ունենք այսօր այդ ճանապարհին, առաջինը՝ մենք ունենք վարչապետ՝ իր իշխանախմբով, որը չի ուզում բարոյականացվի, նա շարունակում է պառակտել երկիրը, նա փորձում է նույնիսկ այս իրավիճակում մեզ բաժանել խմբերի, մենք դա թույլ չենք տալու, դրա համար որպես առաջին նախապայման է, որ այս իշխանությունը պետք է հեռանան։ Դուք եք, որ բերել ենք նրան, եւ դուք եք, որ կարող եք նրան հեռացնել»,- դիմելով հավաքի մասնակիցներին շեշտեց նա։
Ըստ Հակոբյանի՝ հաջորդիվ պետք է արտաքին աշխարհի հետ հարաբերությունները վերականգնել ու բարելավել, իսկ դրա համար նոր բանակցողներ են պետք։
«Հիմա քաղաքական ուժերը իշխանության հավակնություններ չունեն, նրանք ունեն հավակնություն իրավիճակի փոփոխության, եւ դրա համար էլ մենք ճանապարհային քարտեզ ենք առաջարկել»,- նշեց նա։
Արա Հակոբյանի խոսքին, թե Նիկոլ Փաշինյանը պետք է հեռանա, Ազատության հրապարակում հավաքված քաղաքացիները վանկարկեցին՝ «Նիկոլ, հեռացիր, Նիկոլ, հեռացիր»։
Նշենք, որ ըստ իշխանությունների ընդդիմախոսները պահանջում են Նիկոլ Փաշինյանի հրաժարական, որից հետո պետք է ձեւավորվի Ազգային համաձայնության Կառավարություն, իսկ որոշ ժամանակ անց էլ արտահերթ խորհրդարանական ընտրություններ անցկացվեն։
Հետևեք մեզ Facebook-ում