«Լուսավոր Հայաստան». «Իմ քայլը» հարկ չհամարեց մեկնաբանել Մեղրու «միջանցքի» վերաբերյալ հարցը

Նոյեմբերի 17-ին կայացած Հայաստանի Ազգային ժողովի նիստին «Լուսավոր Հայաստան» կուսակցության խորհրդարանական խմբակցության ղեկավար Էդմոն Մարուքյանը խորհրդարանի փոխխոսնակ Լենա Նազարյանին հարցրեց` արդո՞ք նա չի կարծում, որ անհրաժեշտ է Ազգային ժողովի նիստ գումարել` Արցախի վերաբերյալ եռակողմ հայտարարությունը քննարկելու համար:

Նազարյանն իր հերթին հիշեցրեց, որ նախօրեին Ազգային ժողովի խորհրդի նստաշրջան էր գումարվել, բայց քվորում ապահովել չհաջողվեց: «Բացակա պատգամավորները հարկ չհամարեցին քննարկել այդ հարցը»,-նշեց Նազարյանը: Ի պատասխան` Մարուքյանը պարզաբանեց, որ իշխող «Իմ քայլը» դաշինքի պատգամավորները, ըստ էության, հարկ չհամարեցին քննարկել, օրինակ, Մեղրիի միջով ադրբեջանցիներին տրամադրված միջանցքի հարցը:

«Մենք պետք է հասկանայինք, թե երբ է կառուցվելու այս էստակադան, ում հաշվին եւ ինչու են նրանց ընդհանրապես տվել այդ ճանապարհը: Մենք, օրինակ, կարող էինք քննարկել, թե ինչպես են մեր քաղաքացիները գերեվարվել ռազմական գործողությունների ավարտից հետո: Գուցե դա մեզ հիմք է տալիս չլքելու՞ Քարվաճառը: Կան նման հարցեր: Ուզու՞մ եք ասել, որ 88 պատգամավոր չի ցանկանում քննարկել այս բոլոր հարցերը»,- հարցրեց Մարուքյանը Լենա Նազարյանին:

Աղբյուր՝ NEWS.am