«Սևերը» և «սպիտակները» ուս ուսի տված պաշտպանում են Արցախը. Ի՞նչ էր տեղի ունեցել Հայաստանում պատերազմից առաջ

Արցախյան նոր պատերազմը շատ պատմաբանների, քաղաքական գործիչների, քաղաքագետների և լրագրողների համար մտածելու շատ մեծ տեղիք է տվել, աշխատանքի տեղիք է տվել: Մեր պետությունը երկար ճանապարհ ունի անցնելու՝ հասարակական բնույթի վերափոխումների միջով անցնելիս, մեր հասարակությունն ու կենսակերպը պետք է փոխվեն:

Բայց պատերազմի ընթացքում արդեն տեղի են ունեցել մի շարք շատ կարևոր իրադարձություններ՝ սկսած Արցախի Անվտանգության Խորհրդի ընդլայնված նիստից, որը տեղի ունեցավ սեպտեմբերի 30-ին, մինչև Արցախի նախագահ Արայիկ Հարությունյանի այսօրվա ֆեյսբուքյան գրառումը, որից մենք տեղեկացանք, որ նա այցելել էր երկրի նախկին պաշտպանության նախարար Լեւոն Մնացականյանին, ով այս օրերին պաշտպանում է Ստեփանակերտը:

Հիշեցնենք, որ Լեւոն Մնացականյանը ոչ միայն Արցախի Պպաշտպանության նախկին նախարարն է, այլև այն մարդկանցից է, ում ավելի քան 2 տարի որոշ շրջանակները ներկայացնում էին որպես «սեւ», որպես «դավադիր», որպես մարդ, ով «քնում է և երեազում, թե ոնց վնաս տա Հայաստանի իշխանություններին»: ...

Բանը հասավ աբսուրդի այն աստիճանի, որ ռազմական գեներալը, որն իր կյանքը տասնամյակներ շարունակ նվիրեց երկու հայկական պետությունների պաշտպանությանը, Հայաստանի Ազգային ժողովում հարցաքննվել է, և հարցաքննվել է ոչ միայն ռազմական գիտելիքներ և ռազմական անցյալ չունեցող, այլև որոշ դեպքերում առհասարակ «անցյալ չունեցող» մարդկանց կողմից:

Սակայն այսօր «սևերը» և «սպիտակները» ուս ուսի տված պաշտպանում են Արցախը…

Բայց ի՞նչ էր տեղի ունեցել Հայաստանում պատերազմից առաջ, որ մենք հասանք նման անհեթեթության: Ի՞նչպես մենք հասանք այն կետին, որ նույնիսկ պատերազմի առաջին օրերին Արայիկ Հարությունյանը կաշկանդված էր և չէր կարող ազատորեն ներգրավել մեր ռազմական գեներալներին մեր հայրենիքի պաշտպանության գործում:

Այս հարցերի պատասխանները մենք ձեզ տվել ենք մեր հոդվածներում 2,5 տարի շարունակ, և դա կանենք նաեւ պատերազմից հետո:

Սևակ Դանիելյան