«Անգլիական նավերն այդպես էլ չբարձրացան» Շուշիի բարձունք, իսկ ռուսական զենքը օգնեց «փակել օդը»

Նոյեմբերի 6-ը հիրավի կարելի է համարել որպես Արցախյան նոր պատերազմի բեկումնային օրերից մեկը: Բազում ռամական փորձագետնտեր և վերլուծաբաններ թե' արտերկրում, թե' Հայաստանում միակարծիք էին այն մտքի հետ, որ ադրբեջանա-թուրքական զորքերի գլխավոր թիրախը Շուշին է:

Սակայն երեկ տեղի ունեցավ այն, ինչը շատերի համար անսպասելի էր: Ինչպես փոխանցեց նաև ANNA News-ը, հայկական ուժերը կարողացան ռազմաճակատ բերել նաև տանկեր, ինչը, ժողովրդական լեզվով ասած, վկայում է այն մասին, որ «օդը փակվել է»:

Սա նշանակում է, որ թուրքական «Բայրաքթարներն»  այլևս այդքան վտանգ  չեն ներկայացնում հայկական զորքերի համար, որ ստիպեն մեզ զերծ պահել տանկերի և այլ խոշոր զինտեխնիկայի օգտագործումից ռազմաճակատում:

Բոլորովին չունենալով պատրանքներ ու հասկանալով, որ «ամերիկյան և բրիտանական նավերը չեն կարող բարձրանալ հայկական լեռների վրա», կարող ենք ենթադրել, որ «օդը փակվելու» հարցում մեծ ազդեցություն է ունեցել ռուսական գործոնը:

Իհարկե, չանենք շատ հեռու գնացող եզրակացություններ և չհայտարարենք, որ պատերազմում վերջնական բեկում է մտցված: Սակայն ակնհայտ է, որ վերջին շրջանում «փակ օդը» թույլ տվեց մեր զորքերին վերախմբավորվել, վերականգնել ուժերն ու թշնամում ուժգին հակահարված հասցնել:

Սևակ Դանիելյան