Պատերազմներն առհասարակ կործանարար ազդեցություն են ունենում բնական էկոհամակարգերի և կենսաբազմազանության վրա.էկոլոգ
Պատերազմներն առհասարակ կործանարար ազդեցություն են ունենում բնական էկոհամակարգերի և կենսաբազմազանության վրա, առավել ևս՝ այնպիսի քիմիական զինատեսակի կիրառումը, որը զանգվածային ոչնչացման արդյունքի է հասցնում։ Այս մասին հրավիրված ասուլիսին ասաց էկոլոգ Արևիկ Մկրտչյանը։
Մկրտչյանի խոսքով՝ մեր տարածաշրջանը մի շարք հեղինակավոր միջազգային կառույցների կողմից ճանաչվել է որպես ամենահարուստ թեժակետերից մեկը, այսինքն՝ պաշտպանվում է համաշխարհային մակարդակով, դա համաշխարհային բնական ժառանգություն է։
«Պետք է գործադրվեն բոլոր ջանքերը՝ պահպանելու մյուս սերունդների համար»,- նշեց էկոլոգը։
Բացի դա՝ թե՛ Արցախում, թե՛ Հայաստանում մի շարք կարմիր գրքային հազվագյուտ կենդանատեսակներ են բնակվում և իրենց միգրացիան են կատարում՝ Հայաստանից դեպի Արցախ, Արցախից դեպի Իրան և Ադրբեջան, այսինքն, տվյալ կենդանատեսակները պահպանվում են ռեգիոնալ մակարդակով, որոնցից մեկը կովկասյան հովազն է, որից աշխարհում մնացել է առավելագույնը 1000 կենդանի։
Էկոլոգն ընդգծեց, որ պատերազմներն ավարտվում են, սակայն անհետացած կենդանիներին այլևս հետ բերել հնարավոր չէ։
Հետևեք մեզ Facebook-ում