Արցախի երեխաները 100 տոկոսով զրկվեն են կրթության իրավունքից. Արցախի ՄԻՊ

Ադրբեջանա-թուրքական ագրեսիայի հետեւանքով Արցախում բազմաթիվ դպրոցներ եւ մանկապարտեզներ են վնասվել. Արցախի երեխաները 100 տոկոսով զրկվեն են կրթության իրավունքից: Այս մասին ֆեյսբուքյան էջում գրել է Արցախի Մարդու իրավունքների պաշտպանն ու կցել մանրամասները ցուցադրող տեղեկապատկերներ։

Ըստ այդմ, Արցախի 58 մանկապարտեզից վնասվել է 10-ը (17 տոկոս), 220 դպրոցներից վնասվել է 61-ը (28 տոկոս):

Հիշեցնենք, որ սեպտեմբերի 27-ին Ադրբեջանի զինուժը լայնածավալ հարձակում է սկսել Արցախում՝ թիրախավորելով նաեւ խաղաղ բնակչությանը։ Ադրբեջանի զինված ուժերը թիրախավորել է նաեւ Արցախի եւ Հայաստանի Հանրապետության զինվորական եւ քաղաքացիական ենթակառուցվածքները, որի հետեւանքով Գեղարքունիքում զոհվել է 2 քաղաքացիական անձ, Արցախում զոհվել է 45 քաղաքացիական անձ, վիրավորվել է 141 քաղաքացիական անձ։

Ադրբեջանական զինուժի հրետակոծության հետեւանքով վիրավորվել են ինչպես արտասահմանյան, այնպես էլ տեղական լրատվամիջոցների լրագրողներ։ Հայաստանում եւ Արցախում սեպտեմբերի 27-ին հայտարարվել է ռազմական դրություն։

Արդեն երեք անգամ հայտարարվել է մարդասիրական հրադադարի մասին, սակայն ադրբեջանական զինուժը խախտել է այն։