Ֆրանիսիայի ներքին գործերի նախարարը կմեկնի Մոսկվա ահաբեկչությունների հարցը քննարկելու
Ֆրանսիայի ներքին գործերի նախարար Ժերալ Մուսա Դարմանենն առաջիկայում կայցելի Մոսկվա: «Մի քանի օր առաջ ես հանդիպել եմ Ֆրանսիայում Ռուսաստանի դեսպան Ալեքսեյ Մեշկովի հետ, առաջիկա օրերին մեկնում եմ Ռուսաստան»,- այսօր ասել է Դարմանեն, հայտնում է Ազատություն ռադիոկայանը:
Նա հայտնել է, որ Ռուսաստանն այն երկրներից է, որտեղ կան արմատականությանը հակված բնակիչներ: «Ռուսաստանն այդ խնդրի առաջ կանգնած պետություններից է, Ֆրանսիա են ժամանում մարդիկ Ռուսաստանի մաս կազմող Չեչնիայից»,- ասել է նախարարը և շնորհակալություն հայտնել Ռուսաստանի իրավապահ ծառայություններին արմատականության դեմ պայքարում Ֆրանսիայի հետ համագործակցելու համար:
«Ահաբեկչությունը տարբեր ձևերով է դրսևորվում, հարկ չէ լսել այն կեղծ մարգարեներին, ովքեր պնդում են, թե Ֆրանսիայում ահաբեկչական հարձակումներ են կատարում բացառապես օտարերկրացիներ և, իբր, եթե մենք փակենք սահմանները, դա մեզ կօգնի, դա սխալ է»,- ասել նախարարը:
Հետևեք մեզ Facebook-ում