Վրաստանի անցած ընտրություններում պատգամավոր է ընտրվել իշխանությունից մեկ հայ և ընդդիմությունից մեկ ադբեջանցի

Անցած կիրակի խորհրդարանական ընտրություններում համոզիչ հաղթանակ տարավ իշխանությունը`  ստանալով քվեների ավելի քան 48 տոկոսը: Սաակաշվիլիի թիմը հավաքել էր ձայների մոտ 27 տոկոսը: Արդյունքում արդեն այս պահի դրությամբ, իշխանամետ «Վրացական երազանքը» ստացել է պատգամավորական 61 աթոռ: Մինչդեռ Սաակաշվիլիի թիմը այս պահին ունի 35 աթոռ: Հիշեցնենք, որ վրացական խորհրդարանում առկա է 150 տեղ, որից 30-ը ընտրվում է մեծամասնական սկզբունքով, 120-ը`  համամասնական:

Այս պահի դրությամբ Իվանիշվիլիի թիմը այս ընտրությունների արդյունքում  արդեն ստացել է 61 մանդատ, որից 14-ը մեծամասնական սկզբունքով: Մեծամասնական մյուս 16 աթոռների համար ընտրությունները կշարունակվեն երկրորդ փուլում: Այսպիսով, եթե նույնիսկ մյուս մնացած 16 մեծամասնական տեղերում էլ իշխանությունը հաղթանակ տանի, միևնույն է ստանալով 75 մանդատ նա չի կարողանա միայնակ ձևավորել նոր իշխանություն:

Սակայն մյուս ցանկացած ուժի հետ նա կկարողանա ձևավորել կոալիցիոն կաբինետ:

Ինչ վերաբերվում է հայկական շահերի տեսանկյունից, ապա իշխող ուժը ավելի հայամետ համբավ ունի, քան Սաակաշվիլիի թիմը, որը բացահայտ ադրբեջանամետ դիրքերից է հանդես գալիս: Եվ զարմանալի չէ, որ վրացահայերը մեծամասամբ քվեարկել են Իվանիշվիլիի թիմի օգտին, իսկ ադրբեջանցիները`  Սաակաշվիլիի:

Ի դեպ, վրացական խորհրդարանում այս վերջին ընտրությունների արդյունքում արդեն անցել է մեկ հայ և մեկ վրացի: Իշխող թիմից`  Սմբաթ Կյուրեղյանը, իսկ ընդդիմությունից`  Աբդուլա Իսմաիլովը:

Արտակ Հակոբյան