ՌԴ ԱԳՆ-ն պատասխանել է Նիկոլ Փաշինյանի՝ Վլադիմիր Պուտինին ուղղված նամակին

ՌԴ ԱԳՆ-ն հաղորդագրություն է տարածել, որում պատասխանել է ՀՀ վարչապետ Նիկոլ Փաշինյանի՝ ՌԴ նախագահ Վլադիմիր Պուտինին ուղղված նամակին:

«Ի պատասխան ՀՀ վարչապետ Նիկոլ Փաշինյանի՝ ՌԴ նախագահ Վլադիմիր Պուտինին ուղղված դիմումի՝ սկսել խորհրդակցություններ՝ սահմանելու աջակցության տեսակները և չափը, որը Ռուսաստանի Դաշնությունը կարող է հատկացնել Հայաստանի Հանրապետությանը՝ անվտանգության ապահովման նպատակով, վերահաստատում ենք հավատարմությունը Ռուսաստանի Դաշնության դաշնակցային պարտավորություններին Հայաստանի Հանրապետության նկատմամբ, այդ թվում՝ 1997թ. օգոստոսի 29-ի «Բարեկամության, համագործակցության և փոխադարձ աջակցության մասին» պայմանագրի մի շարք հոդվածների շրջանակում ենթադրվում են կոնկրետ գործողություններ միմյանց տարածքի դեմ զինված հարձակման սպառնալիքի կամ ագրեսիայի դեպքում:

Պայմանագրի համաձայն Ռուսաստանը ողջ անհրաժեշտ օգնությունը կտրամադրի Երևանին, եթե մարտական գործողությունները տեղափոխվեն անմիջապես Հայաստանի տարածք», - ասվում է հաղորդագրության մեջ:

Բացի այդ ՌԴ ԱԳՆ-ն նորից կոչ է արել ղարաբաղյան հակամարտության կողմերին անհապահ հրադադարի, լարվածության նվազմանը և վերադարձ բովանդակային բանակցություններին՝ հիմնարար սկզբունքների պայմանավորվածությունների հիման վրա՝ խաղաղ կարգավորմանը հասնելու նպատակով, որոնք ձեռք են բերվել հոկտեմբերի 10-ին Ռուսաստանի, Ադրբեջանի և Հայաստանի արտգործնախարարների կողմից:

Zham.am