Պուտին. Ղարաբաղում իրավիճակը կարելի է կարգավորել միայն այն ժամանակ, երբ երկու կողմերի շահերի հավասարակշռություն լինի. Տեսանյութ

Յուրաքանչյուրն ունի իր ճշմարտությունը, այստեղ պարզ լուծումներ չկան, հանգույցը շատ բարդ է․ ասել է Ռուսաստանի նախագահ Վլադիմիր Պուտինը Ղարաբաղում իրավիճակի մասին, հաղորդում է TASS-ը։

«Ղարաբաղում իրավիճակը կարելի է կարգավորել միայն այն ժամանակ, երբ երկու կողմերի շահերի հավասարակշռություն լինի», - ասել է Պուտինը։

«Խորհրդային ղեկավարությունը արդյունավետ միջոցներ չի ձեռնարկել մարդկանց անվտանգությունն ապահովելու համար, երբ սկսվեց ղարաբաղյան առաջին հակամարտությունը», -  կարծում է ՌԴ նախագահ Վլադիմիր Պուտինը:

«Հակամարտությունը սկսվեց ինչից, էթնիկական բախումներից ... և Խորհրդային Միության այն ժամանակվա ղեկավարությունը ոչ մի արդյունավետ միջոց չձեռնարկեց մարդկանց անվտանգությունն ապահովելու համար: Հայերը զենք վերցրեցին և դա արեցին իրենք», - ասաց Պուտինը, հավելելով, որ սա էլ բերել է նրան, որ Լեռնային Ղարաբաղը եւ եւս յոթ շրջան Ադրբեջանից հայտնվի Հայաստանի հսկողության ներքո։

«Ադրբեջանը ասում է, որ այդ յոթ շրջանները կապ ճունի ոչ էթնիկական հակամարտության, ոչ Հայաստանի հետ, եւ դրանք ի բնե ադրբեջանական տարածքներ են։ Եվ Ադրբեջանն ասում է, որ ունեն իրավունք, որպեսզի վերադարձնեն այս շրջանները եւ լուծեն Ղարաբաղի հարցը։

Հասկանում եք, ամեն մեկն ունի իր ճշմարտությունը։ Այստեղ պարզ լուծումներ չկան եւ ամեն ինչ շատ բարդ հանգույց է եղել»,- ասել է Պուտինը։

Նա նաեւ նշել է, որ Ռուսաստանն ի սկզբանե խոսել է Ադրբեջանին «հինգ և ևս երկու շրջանների» փոխանցման հնարավորության մասին, որոնք այժմ զբաղեցրած են Հայաստանի կողմից։ «Մեր դիրքորոշումը բաց է՝ խոսել Ադրբեջանին 5+2 շրջանի վերադարձի մասին ապահովելով որոշակի ռեժիմի գոտի Ղարաբաղի համար։ Երկարաժամկետ կարգավորումը նրանում է, որպեսզի գտնվի շահերի հավասարակշռությունը, որը ձեռնտու կլինի երկու կողմին, որպեսզի մարդիկ իրենց զգան անվտանգ, բայց որպեսզի ստեղծվեն նաև հնարավորություններ տարածաշրջանային զարգացման համար»,-ասել է ՌԴ նախագահ Պուտինը։

Zham.am