Թուրքիայի փոխնախագահ՝ Ֆուաթ Օքթայ. Եթե Մոսկվան ուղակի աջակցի Հայաստանին, ապա Թուրքիան զորք կուղարկի Ադրբեջան

CNN–turk-ին տված իր հարցազրույցում Թուրքիայի փոխնախագահ՝ Ֆուաթ Օքթայը ուղղակի հայտարարել է, եթե Մոսկվան որոշի ուղարկի զորքով աջակցել հայերին Ղարաբաղում, ապա Թուրքիան նույնպես ուղղակիորեն իր զորքով կաջակցի նաև Ադրբեջանին: Օքթայը հիշեցրեց, որ 2016-ին կնքված պայմանագրի համաձայն, եթե Ադրբեջանը ենթարկվում է հարձակման երրորդ երկրի կողմից, ապա Թուրքիան միանշանակ զորքով կաջակցի իր փոքր եղբորը՝ վերջինիս խնդրանքով:

Ըստ Օքթայի, հիմա էլ բոլոր հիմքերը կան, որ Թուրքիան զորք ուղարկի Ադրբեջան ընդդեմ հայերի,  սակայն վերջինիս կողմից դեռ այդպիսի խնդրանք չի եղել:

Օքթայը նաև ակնարկեց, որ Թուրքիան հենց այսօր էլ, իբր բոլոր հիմքերն ունի Հայաստանի դեմ գործողություն սկսելու համար, քանի որ Երևանն այսօր, իբր բացահայտորեն աջակցում է Ղարաբաղի հայերին՝ «Ադրբեջանի տարածքում»: Սակայն, քանի որ Ադրբեջանի կողմից դեռ նման խնդրանք չի եղել, Անկարան  ձեռնպահ է մնում նման քայլից:

Վերջին ժամանակներս թուրք գործիչները սովոր են նման լկտի հայտարարություններով հանդես գալ, մոռանալով նշել, որ նրանց միակ զսպող հարցը ոչ թե Ադրբեջանի կողմից խնդրանքի բացակայությունն է, այլ Մոսկվայի գործոնն է, ով ինչպես հայտնի է  անվտանգության խնդիրների հետ կապված մի շարք պայմանագրերով կապված է Հայաստանի հետ: Այդ տեսանկյունից թուրք բարձրաստիճան այրերը շատ լավ գիտեն, թե ինչու ուղղակի չեն միջամտում ղարաբաղյան կոնֆլիկտի մեջ: Այդ դեպքում Ղարաբաղում կարող է սկսվել ռուս-թուրքական ուղղակի բախում, դրանից բխող հետևանքներով, որին Անկարան դեռ պատրաստ չէ: Ահա, թե ինչու, Թուրքիան չի կարողանում զորք ուղարկել Ղարաբաց և դրա փոխարեն նա «աշխատում է» իր քողարկված դաշնակիցների միջոցով՝ ահաբեկիչներով, թուրքամետ տարատեսակ ջոկատներով և այլն:

Սա է իրականությունը:

Արտակ Հակոբյան