Ինչո՞ւ է Տիգրան Խզմալյանը բացահայտ աջակցում Սերժ Սարգսյանին (ՏԵՍԱՆՅՈՒԹ)

Տխրահռչակ կինոռեժիսոր Տիգրան Խզմալյանը սենսացիոն հարցազրույց է տվել «1in.am» կայքին՝ «նոր գաղափարներ» առաջարկելով հայ հասարակությանը: Նախ Տիգրան Խզմալյանը, որպես Բաղրամյան 26-ի խոհանոցի մարդ, անկեղծացել է, որ «Ելք» դաշինքը աջակցություն է ստացել Սերժ Սարգսյանից, բայց դրա մեջ ինքը՝ Տիգրան Խզմալյանը ոչ մի վատ բան չի տեսնում: Շարունակելով իր այդ միտքը՝ Խզմալյանը «նոր բացահայտում է» արել. պարզվում է՝ այսօրվա իշխանության և ընդդիմության միասնական լիդերը հանդիսանում է հենց ինքը՝ Սերժ Սարգսյանը, ով իբր «փայլուն» հաղթանակ է տարել «ռուսամետ» ուժերի նկատմամբ: Եթե այս մտքերով հանդես գար հոգեբուժարանի մի հիվանդ, մենք չէին զարմանա: Մեծ հաշվով, այս մտքերը քաղաքական ցնդաբանությունից ոչնչով չեն տարբերվում, բայց երբ այդ ցնդաբանությունը գովազդվում է «1in.am» կայքի միջոցով, այստեղ է գալիս հռետորական հարցադրում՝ ինչո՞ւ է Սերժ Սարգսյանը փորձում քայլ առ քայլ խոստովանեցնել իր հաճախորդներին:

Պարզվում է, որ Սերժ Սարգսյանին տվյալ փուլում խիստ անհրաժեշտ է, որ Հայաստանում ձևավորվի հակառուսական և հակապուտինյան հիստերիա, որի փակագծերն էլ հենց բացում է Տիգրան Խզմալյանը: Ըստ նրա, անցած ընտրություններում Սերժ Սարգսյանը փայլուն հաղթանակ տարավ «ռուսամետ» ուժերի հանդեպ, և հենց դրանով էլ ժողովուրդը պետք է ոգևորվի: Հետո մի պահ մոռացավ, որ ինքը, որպես Տիգրան Խզմալյան, չի կարող բացահայտ աջակցել Սերժ Սարգսյանին, շփոթված նշեց, որ ճիշտ է՝ Սերժ Սարգսյանի հաղթանակն այդքան էլ ոգևորիչ չէր, բայց իմպերիալիստական Ռուսաստանի համեմատ Սերժ Սարգսյանի տեղական գողերն ու ավազակները համեմատաբար ավելի քիչ վտանգ են ներկայացնում հայ ժողովրդի համար, որովհետև, շարունակում է այս խելագար կինոռեժիսորը, Պուտինը ցանկանում էր օկուպացնել Ղարաբաղը, նոր ռազմաբազաներ ստեղծել Ղարաբաղում և Զանգեզուրում, որին հերոսաբար դիմակայում է Սերժ Սարգսյանը, ավելին՝ Խորհրդարանական կառավարման համակարգը Հայաստանում հիմնեց ոչ թե Սերժ Սարգսյանը, այլ Պուտինը, իսկ Սերժ Սարգսյանը, բնականաբար, չկարողացավ դիմադրել դրան:

Այն, որ գործող նախագահը փորձում է նոր հակառուսական մթնոլորտ ձևավորել Հայաստանում հասկանալի է, քանզի փորձում է կիրառել հայտնի ռուսական սկզբունքը. «Бей жидов, спасай Россию!», այսինքն, իր բոլոր ձախողումները փորձում է վերագրել ռուսներին: Սակայն, երբ գործող նախագան այն փորձում է անել 100 տոկոսանոց խելագարների միջոցով, սա արդեն պետք է մտահոգիչ լինի հենց գործող նախագահի համար, քանզի մենք իր կառավարման 10 տարիների ընթացքում ամեն ինչ տեսել էինք, սակայն երբ արդեն բացահայտ գժերն են օգտագործվում իր իշխանության պահպանման համար, սա նորություն է և վատ նորություն իր համար:

Եվ ինչքան էլ «1in.am»-ը լայնորեն գովազդի այս ցնդաբանությունները, միևնույն է հանրային կարծիքի ձևավորման մեջ այն զրոյական էֆեկտ ունի, և բուն ընտրությունները նույնպես ցույց տվեցին, որ հարցը լուծեցին «Լֆիկ Սամոյի» ընտրաստրուկները և ուժային կառույցների «ֆեյք» ընտրողները:

Այնպես որ այս խայտառակ համակարգի քաղաքական ֆոնի ապահովման համար բացահայտ խելագարներին օգտագործելը զրոյական էֆեկտ ունի:

Դավիթ Մկրտչյան