Ծանրամարտի Եվրոպայի առաջնությունն ավարտվեց․ Գոռ Մինասյանը և Ռուբեն Ալեքսանյանը մեդալներ նվաճեցին

Քիչ առաջ Խորվաթիայի Սպլիտ քաղաքում ավարտվեց ծանրամարտի Եվրոպայի առաջնությունը։ Գերծարն քաշային կարգում Հայաստանի հավաքականի երկու մարզիկներ մեդալներ նվաճեցին։

Ռիո-2016 օլիմպիական փոխչեմպիոն Գոռ Մինասյանը դարձավ արծաթե մեդալակիր, իսկ Ռուբեն Ալեքսանյանը նվաճեց բրոնզե մեդալ:

Գոռ Մինասյանը երկամարտում հավաքեց 446 կգ (211+235) եւ զիջեց միայն Ռիո-2016 Օլիմպիական խաղերի չեմպիոն Լաշա Տալախաձեին, ով դարձավ Եվրոպայի չեմպիոն և պոկում վարժությունում սահմանեց համաշխարհային ռեկորդ(217կգ): Վրացի 23-ամյա ծանրորդը երկամարտում գրանցեց 467 կգ (217+250), ինչպես նաեւ աշխարհի ռեկորդ սահմանեց պոկում վարժությունում (117 կգ): Ռուբեն Ալեքսանյանը երկամարտում հավաքեց 434 կգ (190+244): Ռուբեն Ալեքսանյանը հրում վարժությունում նվաճեց նաև փոքր բրոնզե մեդալ։

Նշենք, որ Եվրոպայի առաջնությունում Հայաստանի թիմը նվաճեց 5 մեդալ․ Ռիո-2016 Օլիմպիական խաղերի փոխչեմպիոն Սիմոն Մարտիրոսյանը Եվրոպայի չեմպիոն էր դարձել 105 կգ քաշային կարգում, իսկ Սոնա Պողոսյանը (75 կգ) ու Տաթեւ Հակոբյանը (90 կգ) բրոնզե մեդալ էին նվաճել կանանց պայքարում:

Zham.am