ՌԴ-ն, պաշտպանելով իր ազգային շահերը, հետաքրքրված է Երեւանում եւ Բաքվում կայունությամբ. Զախարովա
ՌԴ-ն, պաշտպանելով իր ազգային շահերը, չափազանց հետաքրքրված է Հայաստանում եւ Ադրբեջանում կայունությամբ, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան «Կիրակի երեկոն Վլադիմիր Սոլովյովի հետ» հաղորդման եթերում:
«Այսօրվա իրավիճակի եզակիությունը կայանում է նրանում, որ սեփական ազգային շահերի առկայության դեպքում մեզ համար առաջնահերթ է Հայաստանում եւ Ադրբեջանում կայունությունը, եւ նրանց հարաբերությունները մեզ համար սկզբունքային կարեւորություն ունեն»,-ասել է նա:
Զախարովան ընդգծել է, որ Ռուսաստանի թույլ չի տալիս ինքն իրեն խաղալ այլ երկրների ժողովուրդների զգացմուքների հետ, երբեք չի զբաղվում դատարկ հռետորաբանությամբ: Նրա խոսքով՝ Ռուսաստանն Ադրբեջանի եւ Հայաստանի դեպքում կարողացել է հասնել արդյունքի դիվանագիտական ջանքերի հիման վրա: Ընդ որում՝ դիվանագետը նշել է ՌԴ նախագահ Վլադիմիր Պուտինի հատուկ դերը հակամարտող կողմերի միջեւ բանակցությունների կազմակերպման գործում: «Պետք է հիշել, թե ինչ աշխատանք է կատարել մեր երկրի նախագահն անձամբ, որպեսզի մեր երկրում Հայաստանի եւ Ադրբեջանի ԱԳ նախարարների ժամանումը հնարավոր դառնա: Ղարաբաղյան կարգավորման մասին ցանկացած զրույցը, ըստ իս, պետք է սկսել հասկանալուց եւ հիշեցնելուց, թե ով է իսկական ընկերը, ով՝ ոչ այնքան»,-հավելել է Զախարովան:
ԱԳՆ պաշտոնական ներկայացուցիչը նաեւ կարծիք է հայտնել, որ բանակցությունների ընթացքում ՌԴ ԱԳՆ Սերգեյ Լավրովն իր առջեւ խնդիր էր դրել ոչ թե մտերմացնել կողմերին, այլ մշակել փաստաթուղթ, որը թույլ կտար սկսել հակամարտության կարգավորման ուղին: «Ես զգացողություն ունեի, որ նրա խնդիրը կայանում էր փաստաթուղթ ստեղծելու մեջ, որը կլիներ հենակետը այդ շատ բարդ, սակայն անհրաժեշտ ուղին սկսելու համար: Համաձայնեք՝ կողմերին մտերմացնելը եւ կոմպրոմիսային փաստաթուղթ մշակելը տարբեր բաներ են: Լավրովը կենտրոնացել էր երկրորդ մոտեցման վրա, դա իմ զգացողությունն է»,-պարզաբանել է նա, հաղորդում է ՏԱՍՍ-ը:
«Ես շատ բանակցություններ եմ տեսել: Ես տեսել եմ երկարատեւ բանակցություններ Ռուսաստանի ԱԳ նախարարի մասնակցությամբ, դուք հիշում եք իրանական միջուկային ծրագիրը, սիրիական կարգավորումը, Ուկրաինայի մասին ես առհասարակ չեմ խոսում, ժամերով տեւած մարաթոններ, որոնք շարունակվում են մինչեւ հաջորդ օրը,-ընդգծել է Զախարովան:-Ես ունեմ տպավորություն, որ այդ փուլում նա (Լավրով) պարզապես ներդրել է իրեն, իր ինտելեկտը, բանակցողի իր ունակությունները, իր մարդկային որակները: Պարզապես մեկ պարզ պատճառով. բոլորիս համար դա հատուկ թեմա է»:
Ռուսական կողմի նախաձեռնությամբ Մոսկվայում կայացած խորհրդակցությունների արդյունքում Ադրբեջանի եւ Հայաստանի հրադադարի պայմանավորվածություն է ձեռքբերվել հոկտեմբերի 10-ից զոհվածների դիերն ու ռազմագերիներին փոխանակելու հումանիտար նպատակով:
Հետևեք մեզ Facebook-ում