Դուք անպայման պետք է վերադառնաք, Ադրբեջանի պատերազմը մեր պատերազմը չէ․ իսլամիստ զինյալները տեսանյութ են պատրաստել. Տեսանյութ
Իսլամիստ զինյալները տեսանյութ են պատրաստել՝ դիմելով Ադրբեջանում կռվող իրենց եղբայրներին․
«Այսօր շատ են խոսում այն մասին, որ նյութական նեղ կացության պատճառով թողնում են իրենց դիրքերն ու մեկնում Ադրբեջան: Ես որ այս պահին խոսում եմ, հնարավոր է՝ ես ամենաաղքատ մարդն եմ Սիրիայում, ամենաաղքատ զինյալն եմ, սակայն ես չեմ թողնի իմ դիրքն ու գնամ Ադրբեջան: Ո՞ւմ է պետք Ադրբեջանը: Ադրբեջանը մեր դատը չի, մեր կռիվը չի: Ո՛չ Լիբիան, ո՛չ Ադրբեջանը մեզ համար ոչ մի նշանակություն չունեն: Մեր մարգարեն ասել է, որ մենք պետք է պայքարենք ու կռվենք հանուն Դամասկոսի:
Դուք ասում եք, որ դժվար վիճակներում եք հայտնվել և գնում եք Ադրբեջան՝ պատերազմելու, մինչդեռ մեր մյուս զինյալ եղբայրները հարյուրավոր կիլոմետրեր են կտրել, որ պատերազմեն հանուն Դամասկոսի ազատագրման:
Այսօր լսել եմ, որ մեր եղբայրներից տասնյակ զինյալներ սպանվել են այդ ճակատում: Մենք ցավում ենք ձեզ համար, դրա համար ենք այս տեսանյութը պատրաստել և, հավատացեք, որ այստեղ ձեզ շատ են սպասողները, եկեք և միացեք մեզ, որովհետև մենք ունենք հազարավոր եղբայրներ, որ այսօր գաղթակայաններում են ու տուն պիտի վերադառնան: Դուք անպայման պիտի վերադառնաք, դա մեր պատերազմը չէ ի վերջո, Ադրբեջանի պատերազմը մեր պատերազմը չէ»:
Թուրքիայի կողմից Ադրբեջան փոխադրված ահաբեկիչ զինյալների խնդրի շուրջ զրույց հեռուստամեկնաբան Սագօ Արեանի հետ:
Մանրամասները՝ SHANTnews.am-ի տեսանյութում։
Հետևեք մեզ Facebook-ում