Սամվել Կարապետյան. Միայն Ռուսաստանի ջանքերը կարող են կանգնեցնել պատերազմը Ղարաբաղում

Միայն Ռուսատանն իրավունք ունի միջամտել իրավիճակին Լեռնային Ղարաբաղում, այս  մասին հայտարարել է «Տաշիր» ընկերությունների խմբի նախագահ Սամվել Կարապետյանը, հայտնում է «ՌԻԱ Նովոստի»-ին:

«Այս լարված օրերին, երբ ամբողջ աշխարհը կոչ է անում կողմերին նստել բանակցությունների սեղանի շուրջ, լուրջ անհանգստություն է առաջացնում Թուրքիայի դիրքորոշումը, ստեղծելով գոյության վտանգ հայ ժողովրդի համար իր պատմական հողերի վրա: Այս կապակցությամբ վստահ եմ, եթե ինչ-որ երկիր իրավունք ունի և կարող է խառնվել իրավիճակին, ապա դա կարող է լինել միայն դաշնակից Ռուսաստանը», - ասաց նա: 

 

Ըստ Սամվել Կարապետյանի, հրադադարի մեջ հետաքրքրվածները պետք է որքան հնարավոր է շուտ գիտակցեն Ռուսաստանի հակամարտությանը ներգրավելու անհրաժեշտությունը.

 

 

«Այսօր, ինչպես և միշտ, Ռուսաստանը հանդիսանում է տարածաշրջանում խաղաղության միակ երաշխավորը: Ես համոզված եմ, որ ներկայիս իրավիճակի պայմաններում նախագահ Պուտինը կարող է անել այն առավելագույնը ղարաբաղյան հակամարտության հարցում, որը կարող է որոշիչ դառնալ Լեռնային Ղարաբաղի ապագայի համար: Կարելի է որքան ուզես պատրանք տածել այն բանի վերաբերյալ, որ ինչ-որ այլ ուժերի միջամտությունը կարող է օգնել Ղարաբաղում հաակամարտության լուծմանը, սակայն ակնհայտ է, որ միայն Ռուսաստանի խաղաղասիրական ջանքերն են ունակ դադարեցնել պատերազմը: Որքան շուտ դա հասկանան նրանք, ովքեր շահագրգռված են հակամարտության լուծման մեջ, այդքան արագ հնարավոր կլինի խուսափել նոր կորուստներից և անցնել խաղաղ բանակցությունների ձևաչափին», - նշեց նա:

 

«Ուզում եմ հատուկ ընդգծել, որ Ռուսաստանին ու Հայաստանին տարբերակում է  հարաբերությունների առանձնահատուկ դաշնակցային բնույթը, հիմնված մեր ժողովուրդների դարավոր բարեկամության վրա: Հավատում եմ, որ այդ սերտ հարաբերությունները, որոնք ստուգված են ժամանակով, հետագայում էլ կկրեն դաշնակցային և ռազմավարական բնույթ», - հավելեց Սաամվել Կարապետյանը: 

Ըստ նրա, հակամարտությունը Լեռնային Ղարաբաղում՝ «վտանգավոր աշխարհաքաղաքական հրդեհ է», որը կարող է պատել ողջ տարածաշրջանը: 

 

«Վերջին օրերը ցավով և անհանգստությամբ են լցված ամբողջ հայ ժողովրդի համար, որը կրկին, ինչպես և 1915 թ., գտնվում է սպառնալիքի տակ և ստիպված է պայքարել իրենց գոյատևման համար: Արցախը մեծ արիությամբ պաշտպանում է իր դիրքերը սեփական հերոս-որդիների կյանքի գնով: Օրեցօր ավելի քիչ կասկած է մնում, որ այն, ինչ տեղի է ունենում այս օրերին Ղարաբաղում՝ առանձին տեղական հակամարտություն չէ: Մեր աչքի առջև բռնկվում է վտանգավոր աշխարհաքաղաքական հրդեհ, որի կայծը կարող է շատ ավելին պատել տարածաշրջանում և հանգեցնել էլ ավելի մասշտաբային հետևանքների», - ասաց նա:

 

«Տասներորդ օրն անընդմեջ Լեռնային Ղարաբաղում ողբերգական իրադարձություններ են տեղի ունենում։ Լայնամասշտաբ պատերազմ է սանձազերծվել, կան մեծ թվով զոհեր, այդ թվում՝ խաղաղ բնակչության շրջանում։ Եթե իրավիճակը մոտ ապագայում չկանգնեցվի, ապա շուտով այն կարող է վերածվել խոշոր համաշխարհային աղետի։ Այս համատեքստում ավելի ու ավելի ակնհայտ է դառնում, որ հակամարտությունը չի կարող կարգավորվել ռազմական ճանապարհով. լուծումները խաղաղ բնույթ են կրում»,- նշել է գործարարը։