ԻՊ զինյալները 140 խաղաղ բնակիչ են մահապատժի ենթարկել

«Իսլամական պետություն» ահաբեկչական խմբավորման ահաբեկիչները 140 խաղաղ բնակիչ են մահապատժի ենթարկել իրաքյան Մոսուլում, հաղորդում է «Twitter»-ի իր էջում Իրաքյան Քրդստանի Անվտանգության խորհուրդը: Փոխանցում է «ՌԻԱ Նովոստի»-ն:

«Երկուշաբթի և երեքշաբթի «Իսլամական պետությունը» 140 խաղաղ բնակիչ է մահապատժի ենթարկել, որոնք փորձում էին փախչել իրաքյան ուժերի վերահսկողության տակ գտնվող տարածք», - ասվում է հաղորդագրության մեջ: Նաև հաղորդվում է, որ զինյալները մի քանիսի մարմինները կախել են էլեկտրալարերին:

Իրաքյան զինվորականների և ԱՄՆ գլխավորությամբ կոալիցիայի Մոսուլի ազատագրմանն ուղղված գործողությունը մեկնարկել է 2016 թ. հոկտեմբերին, որի ընթացքում ազատագրվել է քաղաքի արևելյան հատվածը: Փետրվարի կեսերին Իրաքի վարչապետ Հայդեր ալ-Աբադին հայտարարեց արմտյան հատվածի ազատագրման գործողության մեկնարկի մասին:

Ներկայում իրաքյան ուժերն իրենց վերահսկողության տակ են վերցրել Մոսուլի արևմտյան հատվածի երկու երրորդը:

Zham.am