Ցավ եմ ապրում՝ տեսնելով, թե ինչ է կատարվում երկրում, որը ես շատ եմ սիրում․ Կարեն Խաչանով

Ռուսաստանը ներկայացնող հայազգի թենիսիստ Կարեն Խաչանովը «Ինստագրամում» անդրադարձել է Արցախում ընթացող պատերազմին.

«Ես սարսափելի անհանգստությամբ եմ հետևում Հայաստանի մասին նորություններին։ Չնայած ծնվել եմ Ռուսաստանում, բայց ես միշտ ասում եմ, որ ունեմ հայկական արմատներ։ Մինչև հոգուս խորքը ցավ եմ ապրում՝ տեսնելով, թե ինչ է կատարվում երկրում, որը ես շատ եմ սիրում։ Հայերը չեն սկսել ու չեն ցանկանում այս պատերազմը։ Զոհվում են անմեղ մարդիկ ու երեխաներ։ Դադարեցրե՛ք պատերազմը։ Հայերը դեմ են պատերազմին։ Հայերը կողմ են խաղաղության»,- գրել է Կարեն Խաչանովը։