Սաուդյան Արաբիայից ևս փաստում են. Պատերազմը Արցախում սկսել է Էրդողանը, բայց նա պարտվելու է

Ղարաբաղում ընթացող նոր պատերազմը շարունակում է միջազգային մամուլի ուշադրության կենտրոնում լինել, բացառություն չի կազմում նաև Սաուդյան Արաբիան: Տեղական Asharq al-Awsat պարբերականում հոդված է լույս տեսել նվիրված նոր Ղարաբաղյան պատերազմին:  Հոդվածում բավականին հուշագրավ նրբերանգներ են ներկայացնում կապված Թուրքիայի անմիջական կապի վերաբերյալ արցախյան այս պատերազմում:

Հոդվածում մասնավորապես նշվում է, որ հայ-ադրբեջանական երկարամյա կոնֆլիկտի սրման այս փուլը ուշագրավ է հենց Թուրքիայի մասնակցության առումով, ինչն էլ բազում հարցեր է առաջացրել թե արաբական աշխարհում, թե առ հասարակ միջագային հանրության մոտ:

Հոդվածում ընդգծվում է, որ Թուրքիան վերջին շրջանում իր բոլոր միջազգային նախաձեռնություններում ձախողումներ է գրանցում՝ չկարողանալով իրականացնել այն ծրագրերը որոնք նախապես մշակել էր:

Հոդվածագիր Ամալ Աբդել Ազիզ ալ-Գազանին ընդգծում  է, որ  նույն Սիրիայի հյուսիսում  Թուրքիան չկարողացավ  հասնել լիակատար հաղթանակ քրդերի նկատմամբ, ավելին, Հյուսիսային Իրաքում գտնվող քրդերը նույնպես շարունակում են իրեմց դիմադրությունը ցույց տալ պաշտոնական Անկարային: Սրա հետ մեկտեղ Թուրքիան, ներխուժելով Լիբիա, այդպես էլ չի կարողացել հասնել բաղձալի նպատակին և չի կարողացել գրավվել բաղձալի նավթով հարուստ Սիրտ քաղաքը:  Բոլոր նշված ուղղություններով  Թուրքիան այդպես էլ չի կարողացել լուծել իր խնդիրները, սակայն սա նաեւ տրամաբանական հարց է առաջացնում, թե ինչու այս դեպքում չլուծելով նախորդ հարցերը՝ Թուրքիայում ուզում են ներգրավվել նոր կոնֆլիկտի մեջ:

Հոդվածագիրն ընդգծում է, որ Թուրքիան՝ ցանկանալով մեծացնել իր դերը թե Միջերկրական ծովի տարածաշրջանում, թե Կովկասում, թե այլ տարածաշրջաններում, փորձում է իր ներկայությունը ամրապնդել ռազմաբազաներ հիմնելու հաշվին: Ներկայիս կոնֆլիկտում  խնդիրը նույն բովանդակությունը ունի, սակայն Թուրքերը կրկին լուրջ խնդրի առաջ են կանգնել և այդ խնդիրը ՌԴ-ն է:

Հոդվածում ընդգծվում է, որ խնդիրը ոչ միայն  Ռուսաստանի կողմից Հայաստանի  տրմադրվող ռազմական օգնություն է, այլ նաև այն, որ  Ռուսաստանը ֆիզիկապես մաս կազմելով Կովկասյան տարածաշրջանին, լուրջ խոչընդոտ է առաջացնում Թուրքիայի առաջխաղացման համար:

Հոդվածում հատուկ ընդգծվում է Նախիջևանի կարևոր դերը ներկայիս պատերազմում, և հոդվածագիրը շեշտում է, որ փաստացի այս պահին պատերազմ է ընթանում Նախիջևանի և Արցախի Հանրապետության միջև:

Ամալ Աբդել Ազիզ ալ-Գազանին ընդգծում է, որ այս պահին ամենակարևոր հարցն այն է, թե, երբ են գործին անմիջականորեն խառնվելու  Ռուսաստանը և նախագահ Վլադիմիր Պուտինը: Հեղինակը կարծիք է հայտնում, որ Մոսկվան որոշակի դադար վերցնելով սպասելու է, որպիսի հասկանա, թե ինչ գծեր է պատրաստ հատել Թուրքիայի նախագահ Էրդողանը:

Ինչը վերաբերվում է  Թուրքիային, ապա այնտեղ հավանաբարա գործելու են դանդաղ, սպասելով Ռուսաստանի հանկարծակի և արագ հակահարվածին և ամենայն հավանականությամբ փորձելու են խնդրի կարգավորումը տեղափոխել բանակցությունների սեղանի շուրջ, ինչ-որ սակարկումներ ստանալու ակնկալիքով, սակայն հոդվածագիրը եզրափակում է, որ ակնհայտ է, որ սցենարի նման զարգացման պարագայում Թուրքերի առաջխաղացումը ինչպես և այն տեղերում կասեցվելու է, իսկ իրավիճակը կարգավորվելու է:

Zham.am