Սերգեյ Նեւերովի անդրադարձը ԲՀԿ նախագահ Գագիկ Ծառուկյանի կալանավորմանը
Ռուսաստանի Դաշնության Պետական Դումայի Եդինայա Ռոսիա խմբակցությունը մտահոգությամբ է հետեւում կուսակցության առաջնորդ Գագիկ Ծառուկյանին ձերբակալելու շուրջ Երեւանում տեղի ունեցող իրադարձություններին։ Այս մասին հաղորդագրություն է տարածել ԲՀԿ-ն:
Հայտարարության մեջ ասվում է.
«Մենք Գագիկ Կոլյաևիչ Ծառուկյանին ճանաչում ենք որպես Ռուսաստանի Դաշնության ընկեր, քաղաքական գործիչ, որը ջանքեր չի խնայել Ռուսաստանի և Հայաստանի միջև կապերն ամրապնդելու համար: 2008 թվականից ի վեր Եդինայա Ռոսիա և Բարգավաճ Հայաստան կուսակցությունները արդյունավետորեն աշխատում են Համագործակցության համաձայնագրի հիման վրա: ԲՀԿ տարածքային գրասենյակներում կատարված խուզարկությունները, կուսակցական ակտիվիստների հարցաքննությունները, Ծառուկյանի դեմ քրեական գործ հարուցելը, պատգամավորական անձեռնմխելիությունից զրկելը և կալանավորումը կարող են համարվել ընտրովի արդարադատության դրսևորում, ազդեցիկ հայ քաղաքական գործչի կանխակալ հետապնդում և հանրապետության առաջատար ընդդիմադիր կուսակցություններից մեկի նկատմամբ բացահայտ ճնշում: Բարգավաճ Հայաստան կուսակցության առաջնորդ Գագիկ Ծառուկյանի դեմ ձեռնարկված գործողությունները հակասում են երկրի իշխանությունների հայտարարություններին օրենքի գերակայության և մարդու իրավունքների ապահովման մասին, և չեն նպաստում Հայաստանի ներքաղաքական և սոցիալական կայունության պահպանմանը: Մենք հույս ենք հայտնում, որ հարցը կլուծվի խստորեն իրավական հարթության վրա ՝ քաղաքական բազմակարծության սկզբունքների և հասարակական գործունեություն իրականացնելու ազատության հարգանքի հիման վրա», - ասել է ՌԴ Պետդումայի Եդինայա Ռոսիա խմբակցության ղեկավար Սերգեյ Նեւերովը։
Հետևեք մեզ Facebook-ում