Զգացմունքային առումով ես Հայաստանի կողմն եմ․ Պոզներ

Ռուս հայտնի լրագրող և գրող Վլադիմիր Պոզներն Ինստագրամի իր էջում անդրադարձել է արցախա-ադրբեջանական հակամարտ զորքերի շփման գծի ողջ երկայնքով Ադրբեջանի սանձազերծած ագրեսիային։

«Յուրաքանչյուր հարց կարելի է դիտարկել երկու կողմից։ Առաջինը զգացմունքային կողմն է։ Ես շատ եմ եղել Հայաստանում, շատ հայ ընկերներ ունեմ, շատ լավ հիշում եմ, թե ինչ է եղել 1915 թվականին՝ շատ երկրների կողմից ճանաչված Թուրքիայի իրականացրած Հայոց ցեղասպանությունը, ես տեղյակ եմ Ադրբեջանի նախագահի՝ Հայաստանի գոյության իրավունքի վերաբերյալ մի շարք հայտարարությունների մասին: Զգացմունքային առումով ես Հայաստանի կողմն եմ»,- գրել է նա։

Լրագրողը նշել է, որ «ցավոք, չի կարող գնահատական տալ, որովհետև այդ իրավիճակից բավականաչափ չի հասկանում, քիչ բանիմաց է, մասնագետ չէ»։

«Եթե Ղարաբաղում պատերազմ է ընթանում, ապա ՄԱԿ-ի գործն անհապաղ միջամտելն է։ Եթե որևէ երրորդ երկիր միջամտում է, ապա միջազգային հանրության գործը խիստ պատժամիջոցների սպառնալիքի ներքո ամենավճռական ձևով պահանջելն է՝ դադարեցնել այդ գործողությունները։ Վերջապես, կարևոր է երկու հակամարտող երկրների ղեկավարներին բանակցությունների սեղանի շուրջ նստեցնել և հասնել այդ բարդ խնդրի խաղաղ լուծմանը»։

 

 

 

View this post on Instagram

A post shared by Познер Online (@pozneronline) on Sep 30, 2020 at 8:03am PDT