ԲԱՑԱՌԻԿ. Սիրիացի և թուրք գրոհայիները ադրբեջանական բանակի ռազմական զգեստով պատրաստվում են մարտական գործողությունների

Ռուսական RusVesna.su կայքը ուշագրավ տեղեկություններ է հրապարակել Արցախում ընթացող պատերազմական գործողությունների վերաբերյալ:

Այսպես՝ կայքը տեղեկացնում է, որ այս պահին կան տեղեկություններ, որ ոչ միայն Սիրիայից, այլ նաև Լիբիայից վարձկան գրոհայիններ են տեղափոխվում պատերազմական գոտի և այդ ամենի ետևում կանգնած է պաշտոնական Անկարան:

Այսպես՝ Լիբիական ազգային բանակի գեներալ  Խալեդ Մահջուբը հայտնել է, որ Լիբիայից Ադրբեջան է մեկնել առնվազն չորս ինքնաթիռ, որոնցում կան մի քանի հազար վարձկան գրոհայիններ: Ավելին՝ կայքը տեղեկացնում է, որ գրոհայիններին Ադրբեջան ուղարկելու գործընթացը կազմակերպվում է՝ օգտագործելով թուրքական Burak Air ավիաընկերության ինքնաթիռները:

Կայքում ներկայացված է նաև  մի լուսանկար, որը մինչ այդ հրապարակվել էր սիրիական Idlib Post համացանցային ռեսուրսի էջերում որտեղ, ըստ հեղինակների,  պատկերված են Ադրբեջան տեղափոխված Սիրիացի վարձկան գրոհայիները, ովքեր արդեն կրում են ադրբեջանական բանակի ռազմական զգեստները և տեղակայված լինելով ադրբեջանական ռազմաբազաներից մեկում՝ սպասում են իրենց հրամանին:

 Համացանցում հայտնվել են նաև վիրավորումներից մահացած ահաբեկչի լուսանկարը:

Zham.am