Մեծ Բրիտանիայում Թուրքիայի նախկին դեսպան. Անկարան Բաքվին օգնում է զենքով, կան լուրեր նաև գրոհայինների տեղափոխման մասին

Որքան էլ պաշտոնական Բաքուն և պաշտոնական Անկարան փորձեն  կոծկել  Թուրքիայի ակտիվ ներգրավածությունը Ղարաբաղյան նոր պատերազմի մեջ, ընդգծենք, որ այնունամենայնիվ անգամ Թուրքիայում  պարբերաբար սկսել են տեղեկություններ հայտնվել այն մասին, որ Անկարան ակտիվ աջակցում է Իլհամ Ալիևին ռազմական սադրանքի իրականացման հարցում:

Թուրքիայի Հանրապետական Ժողովրդական կուսակցության արտաքին կապերի գծով նախագահի գլխավոր խրհրդականը Ադրբեջանում, Իրաքում և Մեծ Բրիտանիայում Թուրիքայի նախկին դեսպան Ունալ Չևիկեզը թուրքական եթերում մի կողմից իր աջակցություն է հայտնել Բաքվին, իսկ մյուս կողմից հայտարարել է. «Ցավոք սրտի մյուս կողմից էլ մենք ունենք նորություններ այն մասին, որ Թուրքիան զենք է փոխանցում Ադրբեջանին, իսկ որոշ շշուկների և նորությունների համաձայն նաև գրոհայիների խմբեր»,- մեջբերում է դիվանագետի խոսքերը թուրքական Sabah-ը:

Ընդգծենք, որ թուրք դիվանագետի այս հայտարարությունն արդեն մեծ աղմուկ է բարձրացել հենց Թուրիքիայում, և նա դարձել է քննադատությունների թիրախ: Մեզ մնում է միայն  հավելել, որ այս տեղեկությունը ևս մեկ անգամ ապացույցում է այն, որ հայկական բանակն այսօր Արցախում պատերազմում է ոչ միայն ադրբեջանական բանակի, այլ նաև թուրքական բանակի և վարձկան գրոհայիների դեմ:

Zham.am