Անպայման կմտածեմ Արցախում ֆիլմ նկարելու մասին. Ատոմ Էգոյան (լուսանկար)
Արցախ գալով առաջինը հոգևոր զգացողություն եմ զգում, որն ինձ համար առանձնահատուկ երևույթ է:
Այս մասին «Արցախպրես»-ի թղթակցի հետ բացառիկ զրույցում ասել է Կաննի կինոփառատոնի եռակի մրցանակակիր, կանադահայ կինոռեժիսոր Ատոմ Էգոյանը:
«Առաջին զգացողությունս բավականին ազդեցիկ էր, քանի որ ինքնությունն իմ ազգային պատկանելիությունն այստեղ ավելի ուժեղ ենք զգում, իսկ դա մի զգացողություն է, որն ամեն օր չէ, որ լինում է: Ինչքան երկար եմ ժամանակ անցկացնում Արցախում, այնքան ավելի շատ է իմ մոտ հարց առաջանում, թե ինչու երիտասարդ կինոռեժիսորները երբևիցե չեն նկարել այս պատմությունները, որոնք ես նկատել եմ այս քանի օրերի ընթացքում»,-ասել է Ա. Էգոյանը:
«Արցախում ֆիլմ նկարահանելու համար պետք է ներսից բխող զգացողություն լինի, և ես, անպայման, կմտածեմ այդ հարցի շուրջ»,- նշել է Ա. Էգոյանը:
Հիշեցնենք՝ Արցախում համերգ տալու հնարավորության մասին հայտարարել էր նաև Սերժ Թանկյանը։
Հետևեք մեզ Facebook-ում